1 Chronicles 25

Devìt ɨ gwòtɨ̀ tɨ̀fêl sɨ ghelɨ ndo nɨ̀ Levì

¹Devìt ŋêyn ɨ̀tu ɨ sugèyʼsɨ̀ nɨ̂n chwoʼtɨ meyn lèm woyn Asàf ghɨli nɨ ɨ ghɨ Hemàn ghɨli baʼsɨ̂ nɨ̀ ɨghɨ Jedutùn ghɨli na ghɨ na fêʼtɨ̀ ìwo i Fɨyini, sesɨ fèʼtɨ̀ ghɨ nà buʼ tɨ̀luŋ nɨ̀ chwaʼ tɨ̀chaʼ-achaʼ. Akeynà nɨn ghɨ àzɨyn a ghelɨ ghì a ghɨ nà ni afyaʼ nâ kèynà. ²Woyn Asàf nà n-ghɨ Zakù nɨ̀ Josèf nɨ̀ Nèhèmayà nɨ̀ Asalelà. A nà n-tisɨ̂ Asàf vzɨ̀ a Devìt na n-tum wu fêʼtɨ̀ ìwo i Fɨyini, tisɨ̂ àŋena. ³Sɨ̂ Jedutùn, woyn ŋweyn nà n-chɨ̂yntɨ̀ ghɨ ntufa , fêʼtɨ̀ ìwo i Fɨyini fî toŋ ìsoŋ sɨ nà fu àyòŋnɨ̀ sɨ̂ Bôbo Fɨyini, koʼsɨ̂ ŋweyn. Àŋena nà n-ghɨ Gèdaliyà nɨ̀ Zelì nɨ̀ Jeshayà nɨ̀ Shimeyì nɨ̀ Hàshabiyà nɨ̀ Màtitayà a tisɨ̂ bò àŋena, Jedutùn, tisɨ̂ àŋena. ⁴Sɨ̂ Hemàn, woyn ŋweyn nà n-ghɨ Bukiyà nɨ̀ Màtaniyà nɨ̀ Uziyèl nɨ̀ Shubèl ŋêyn Jelimòt nɨ̀ Hànaniyà nɨ̀ Hananì nɨ̀ Eliyatà nɨ̀ Gidatì ŋêyn Lòmamtì Ezà nɨ̀ Joshibekashà nɨ̀ Malotì nɨ̀ Hotì ŋêyn Màhaziyòt. ⁵À nà n-chɨ̂yntɨ̀ ghɨ woyn ghɨlûmnɨ̀ nɨ̀ Hemàn tèyn nô ghɨ̀jɨ̀m ma Fɨyini fɨ nɨn læ fu sɨ̂ ŋweyn sɨ luynsɨ ichfɨ̂nɨ̀ zɨ̀ a fɨ n-læ nì sɨ nì na Hemàm ngaŋtɨ. Fɨyini fɨ nɨn læ boysɨ Hemàn nɨ woyn ghɨlûmnɨ̀ njvàsɨ̀ kæ̀ nɨ̀ woyn ghɨkì ghɨ̀tal. Hemàn nà n-ghɨ fèʼtɨ̀ zɨ̀ a fòyn nà n-tum. ⁶Woyn nâ gheyn nà n-ghɨ a tisɨ̂ bò àŋena tisɨ̂ àŋena na ghɨ na toŋ ɨ̀fwo , chwaʼ tɨ̀chaʼ-achaʼ a ndo Fɨyini, koʼsɨ̂ Fɨyini. A nà n-ki fòyn ki ìfêl i Asàf nɨ̀ Jedutùn nɨ̀ Hemàn. ⁷Ghelɨ nâ ghèyn ŋêyn ghelɨ ndo nɨ̀ àŋena nà n-chɨ̂yntɨ̀ ghɨ ighɨ ìbò nɨ̀ ghelɨ mɨ̀vɨm ɨ̀nkæ̀ njvàsɨ̀ nfama ma ghɨ yeʼi meyn àŋena ghɨ na kya sɨ yem njàŋ, kya sɨ buʼ ɨfwo sɨ koʼsɨ Fɨyini. ⁸Ghɨ nà n-boŋtɨ̂ àzɨyn kɨ ghɨ̀jɨ̀m sɨ yeyn na a nì ndà afyâʼ nâ kì-a. Kèsa a n-ghɨ wul ɨlwema, kesà à n-ghɨ wayndà, kèsa à n-ghɨ ndyèynsɨ̀ ma wul vzɨ̀ a ghɨ n-kelɨ sɨ yeʼi a. ⁹Izɨyn i yi asɨ-i nà n-kelɨ sɨ fvɨ̀ a ndo nɨ̀ Asàf, a fvɨ̂ izɨyn a Josèf nɨ̀ àzɨyn a woyn ŋweyna nɨ akɨ ghelɨ ndo nɨ̀ ŋweyna. Ghɨ ndù a ndo nɨ̀ Gedaliyà , izɨyn i fvɨ̀ nɨ̀ woyn ŋweyn, nɨ ghelɨ ndo nɨ̀ ŋweyn. ¹⁰Ghɨ ndùa ndo nɨ̀ Zakù izɨyn i ŋweyni nɨ̀ àzɨyna woyn ŋweyna, nɨ akɨ ghelɨ ndo nɨ̀ ŋweyna ɨ fvɨ̀. ¹¹Ghɨ nà ndu nômɨ a ndo nɨ̀ ndà, ɨzɨyni ŋweyni fvɨ nɨ̀ àzɨyna woyn ŋweyna nɨ̀ ghelɨ ndo nɨ̀ àŋena a dzɨ̂ ghàyn tèyn; ¹²Nètaniya nɨ̀ ¹³Bukiyà nɨ̀ ¹⁴Jèsalelà nɨ̀ ¹⁵Jèshayà nɨ̀ ¹⁶Màtaniyà nɨ̀ ¹⁷Shimeyì nɨ̀ ¹⁸Azalèl nɨ̀ ¹⁹Has̀habiyà nɨ̀ ²⁰Shubayèl nɨ̀ ²¹Màtitiyà nɨ̀ ²²Jelimòt nɨ̀ ²³Hànaniyà nɨ̀ ²⁴Joshibekashà nɨ̀ ²⁵Hànanì nɨ̀ ²⁶Malotì nɨ̀ ²⁷Èliyatà nɨ̀ ²⁸Hotì nɨ̀ ²⁹Gidaltinì nɨ̀ ³⁰Mà haziyòt ³¹nɨ̀ Lomamti Ebà.