1 Chronicles 4

Asas a ndo a Judà a li-a

¹Ɨghêyn nɨn ghɨ woyn Judà tèyn;

A n-læ nà ghɨ Pèlêz, nɨ̀ Hezlòn nɨ̀ Kamì, baʼsɨ̂ nɨ̀ Hû ŋêyn Shobàl. ²Shobàl nɨn læ nà kelɨ wayn ghɨ toŋtɨ̂ na Lèhayà, wu bzɨ wayn ghɨ toŋtɨ̂ na Jahàt, Jahàt ɨ læ bzɨ ɨ ghɨ ŋweyn woyn ghɨ̀bò ghɨ toŋtɨ̂ na Àhumày ŋêyn Lahàd. Woyn Lèhayà nâ gheyn nɨn læ nà chî a ntèʼ Zolà. ³Woyn Etàm nɨn læ nà ghɨ Jezlìl nɨ̀ Ishmà nɨ̀ Idbàsh. Jèmtɨ̀ àŋena n-læ nà ghɨ, izɨyn i ŋweyn ɨ ghɨ Hàzeleponì. ⁴Penuwèl nɨn læ nà ghɨ bò Gedò, Ezè ɨ ghɨ bò Hushà. Hû nɨn læ nà ghɨ wayn àsɨ nɨ̀ Eflatà, ma a n-læ ku ŋweyn ntèʼ Betèlɨ̀hêm. Wu n-læ nà kelɨ woyn ghɨ lûmnɨ̀ ghɨ̀tal. ⁵Ashù, ɨ bò Tekùwà nɨn læ nà kelɨ ghɨ̀ki ghɨ̀bò, ɨ Helà ŋêyn Nalà. ⁶Ŋêyn Nalà nɨn læ meyn bzɨ Ahuzàm nɨ̀ Hefà nɨ̀ Temenì ŋêyn Hàhashtalì. À ti nà chɨ̂yntɨ̀ ghɨ woyn ghɨ lûmnɨ̀ nɨ̀ Nalà tèyn. ⁷Fɨf ɨ̀ Nalà, ɨ Helà nɨn læ bzɨ ɨ ghɨ ŋweyn woyn a ghɨ Zelèt nɨ̀ nɨ̀ Zowà nɨ̀ Etàn. ⁸Wu n-læ meyn bzɨ kɨmɨ Kôz. Kôz nɨn læ nà ghɨ bò Anùb ŋêyn Hazobebà, ma à n-læ ku kɨmɨ ŋweyn ntèʼ Halùm. Halùm nɨ læ nà ghɨ wâyn Ahalèl. ⁹Wùl ɨlvì nɨn læ meyn ghɨ, ghɨ toŋtɨ̂ na Jabèz, wu koʼnɨ̂ chwo woynà ŋweyn kɨ ghɨ̀ jɨ̀m. Nà ŋweyn nɨn læ fu ìzɨyn iŋweyn na Jabèz, bê na, “Mɨ n-læ bzɨ ŋweyn kɨ̀ nô a mɨ̂lùmchuŋ” ¹⁰Jabèz nɨn læ meyn dzɨ̀ sɨ̂ Bôbo Fɨ̀yini, ɨ Fɨyin fɨ Isìlæ̀ ɨ bè na, “Boysɨ ma a Bôbo, ɨ kfeynsɨ ìlaʼ ì yemi. Ka wâ n-vìsi na ngeʼ koli ma, mà na yvɨ mɨ̀lùmchuŋ.” Wu n-læ dzɨ̀ tî, Bobo Fɨyini ɨ yvɨ idzɨ̂ iŋweyn, ɨ bèynsɨ̀ ìjêm iŋweyn. ¹¹Kelùb ɨ waynà Shuhà nɨn læ nà ghɨ bò Mehìl, Mehìl ɨ ghɨ bò Eshtòn. ¹²Eshtòn nɨn læ meyn lema koʼ, ɨ bzɨ Bet Lafà nɨ̀ Basiyà ŋêyn Tehinà. Tehinà nɨn læ meyn ku ntèʼ Nahàsh. Ghelɨ nâ ghêyn a ghɨ tàŋtɨ têyn nô ghɨ̀ jɨ̀m nɨn læ nà chi a Lekà.

¹³Woyn ghɨ lûmnɨ̀ nɨ̀ Kenàz nɨn læ nà ghɨ Otnìyèl nɨ̀ Sèlayà. Woyn ghɨlumnɨ̀ nɨ̀ Otnìyèl nɨn læ nà ghɨ Hatàt ŋêyn Mèyonotày. ¹⁴Mèyonotày nɨn læ nà ghɨ bò Oblà. Sèlayà ɨ ghɨ bò Jowàb, ɨ wul ɨ vzɨ̀ a wu n-læ ku ntèʼ zɨ̂ a ghɨ nà n-toŋtɨ na Ge Hàlashîm. Ghɨ n-læ nà toŋtɨ̂ ntèʼ àteyn tì bòm ta ghelɨ ghì a ghɨ nà n-chi ateyn, nà kya sɨ faytɨ̂ ɨ̀fwo nɨ̀ ɨ̀wu. ¹⁵Kalèb ta bò ŋweyn nà ghɨ Jefunè nɨn læ meyn bzɨ Ilù nɨ̀ Elà, baʼsɨ̂ nɨ̀ Nâm. Wâyn Elà nɨn læ nà ghɨ Kenàz. ¹⁶Woyn Jàhàlelèl nɨn læ nà ghɨ Zîf nɨ̀ Zifà, baʼsɨ̂ nɨ̀ Tilìyà ŋêyn Asalèl. ¹⁷Woyn Ezlà nɨn læ nà ghɨ Jetè nɨ̀ Melèd nɨ̀ Efè, baʼsɨ̂ nɨ̀ Jalòn. Wî Melèd ɨlvì nɨn læ meyn bzɨ woyn ghɨ̀tal; ɨ Miliyàm nɨ̀ Shamày, baʼsɨ̂ nɨ̀ Ishbà. Ishbà nɨn læ meyn lema ɨ bzɨ ɨwû ŋweyn wayn ghɨ toŋtɨ̂ na Estemòwà. ¹⁸Wî Melèd ɨlvì, a ghɨ wâyn wùlɨ̀ Judà, nɨn læ meyn bzɨ Jelèd, wu læ ku ntèʼ Gedò, ɨ bzɨ Hebè wu læ ku ntèʼ Sokò, ɨ fi bzɨ kfeynsɨ Jekutìyèl wu læ ku ntèʼ Zanòwà. Miliyàm nɨ̀ Shamày ŋêyn Ishbà nɨn ghɨ ma Melèd nɨn læ bzɨ ŋêyn wi ŋweyn Bitìyà, ɨ wâyn ntoʼ. ¹⁹Jèmtɨ̀ Nahàm, nɨn læ mala Hodìyà, ɨ bzɨ Keylà vzɨ̀ a wu n-læ nà chi a ntèʼ Gâm ŋêyn Estemozà vɨ̀ a wù nà n-chi a ntèʼ Makàt. ²⁰Woyn Shimòn nɨn læ nà ghɨ Alnòn nɨ̀ Linà nɨ̀ Ben-Hanàn ŋêyn Tilòn, woyn Ishì ɨ ghɨ Zohèt ŋêyn Ben-Zohèt. ²¹Shelà nɨn læ nà ghɨ wâyn Judà. Shelà nà n-kelɨ woyn kɨ sa idvɨ̀, a ghɨ Êl. Êl nɨn læ nà ghɨ bò Lekà. Ladà nɨn læ nà ghɨ kɨmɨ wâyn Shelà, ɨ ku ntèʼ î lì ghɨ toŋtɨ̂ na Màleshà. A n-læ ku kɨmɨ Shelà ɨ ku ntèʼ Bet Ashbìyà zɨ̀ a ghelɨ ghì a ghɨ n-læ nà tɨm ndzɨsɨ jûŋ sìsɨ̀ nà n-chi ateyn. ²²Wâyn Shelà ɨlvì nà n-ghɨ Jokìm, woyn ŋweyn ghɨli ghɨ ghelɨ Kozebà, baʼsɨ̂ kɨmɨ nɨ̀ ghelɨ Jòwâsh nɨ ghɨ Salàf ghì a ghɨ læ mala ghɨ̀ki Mowàb, nɨ̀ ghɨ̀ki Betèlèhêm. ²³Ghelɨ nâ ghèyn nɨn læ nà bom tòynsɨ̀ sɨ̂ fòyn chî a Netàym, ghɨli chî a Gedelà. ²⁴Woyn Simìyòn nɨn læ nà ghɨ Nemwèl nɨ̀ Jamìn nɨ̀ Jalìb ŋêyn Zelà, baʼsɨ̂ nɨ̀ Shôl. ²⁵Shôl nɨn læ nà kelɨ wayn ɨ lûmnɨ̀, ghɨ toŋtɨ̂ na Shalùm. Shalùm ɨ bzɨ ɨwû ŋweyn wayn ghɨ toŋtɨ̂ na Mibsàm, Mibsàm ɨ bzɨ Mishmà. ²⁶Mishmà nɨn læ bzɨ Hamwèl, Hamwèl ɨ bzɨ Zakù, Zakù ɨ bzɨ Shimèy. ²⁷Shimèy nɨn læ meyn làlì ɨ bzɨ woyn ghɨ lûmnɨ̀ njvàsɨ̀ ntufa, nɨ̀ woyn ghɨ̂ki ntufa, mɨtì woynà ŋweyn kelɨ wi woyn ghɨ lûmnɨ̀ sɨ a idvɨ̀. Ghelɨ Shimèy nɨn læ meyn nà læ̂ chwô ghelɨ Judà bòmtà wù n-læ jvɨ̀tɨ bzɨ kɨ woyn ghɨ lûmnɨ̀. ²⁸Woyn Simìyòn nɨn læ nà chî a Beshabà nɨ̀ Moladà nɨ̀ Hazà nɨ̀ Shôl. ²⁹Àŋena nà n-chî kɨmɨ a Bilà nɨ̀ Ezèm nɨ̀ Tolàd. ³⁰Ghɨli chî a Betùwèl nɨ̀ Homà, baʼsɨ̂ nɨ̀ Ziklàk. ³¹Ghɨli nɨn læ meyn nà chî kɨma a Bèt Makabòt nɨ̀ Haza Susìm nɨ̀ Bet Bilì, kɨ̀mɨ nɨ̀ Shalèm. Ntèʼ nâ sèynsɨ̀ nô sɨ̀ jɨ̀m tèyn nɨn læ nà kelɨ kɨ woyn Simìyòn sɨ chem ta ka Fòyn Devìt koʼ achɨ. ³²Àŋena nà n-chî kɨmɨ a ntèʼ sɨlisi sɨ̀tâyn a mbæ̀sɨ̀ ghɨ toŋtɨ̂ na, Etàm nɨ̀ Ayìn nɨ̀ Limòn nɨ̀ Tokèn baʼsɨ̂ nɨ̀ Ashàn. ³³Àŋena læ meyn nà chî kɨmɨ a Ntèʼ sɨlisi a ngùŋ ntèʼsɨ â ghàyn, sɨ ndù sɨ nchem nô Balàt. À ti ɨlwêʼ vzɨ̀ a woyn Simìyòn nɨn læ nà chi ateyn. Àŋena nɨn læ meyn nyàʼ lèm àzɨyn a ghɨ̂bo àŋena. ³⁴Azɨyna ghɨ̂bo àŋena nâ kì nà n-ghɨ Meshobàb nɨ̀ Jamlèk nɨ̀ Joshà, ɨ wâyn Amaziyà. ³⁵Ghɨli nà n-ghɨ Jòwêl nɨ̀ Jehù, ɨ wâyn Joshibìyà. Joshibìyà nà n-ghɨ wâyn Sèlayà, bò Selayà ɨ ghɨ Asiyèl. ³⁶Ghɨ̀bo àŋena ghɨli nɨn læ nà ghɨ Eliyonày nɨ̀ Jakobà nɨ̀ Jeshohayà nɨ̀ Asayà nɨ̀ Adiyèl nɨ̀ Jesimiyèl nɨ̀ Benayà. ³⁷Ghɨli nà n-fî ghɨ ghɨ toŋtɨ̂ na Zizà, a ghɨ wâyn Shifì, Shifì ɨ ghɨ wây Alòyn, bò Alòyn ɨ ghɨ Jèdayà, Shimlì ɨ ghɨ bò Jèdayà, Shemayà ɨ ghɨ bò Shimlì. ³⁸Ghelɨ nâ ghèyn a ghɨ tàŋtɨ têyn nɨn læ nà ghɨ ghɨ̀bo ntèsɨ nɨ̀ àŋena. Ntèsɨ àŋena sɨ nɨn læ meyn lema nô sɨ a ŋaŋ. ³⁹Àŋena nɨn læ meyn nà sɨ jelɨ̀ kɨŋ ɨ̀fwo ɨ yɨnɨ nɨ̀ nyamsɨ ndû chem nô a mbæ̀ Gedò. ⁴⁰Àŋena nɨn læ meyn kɨŋ ndu yeyn ɨtwaʼ ɨ jûŋ sɨ̂ nyamsɨ àŋena sɨ, wu ghaʼ kɨ tèyn, kelɨ wi ngeʼ, ɨlwêʼ tsɨ kɨ tèyn moŋ afu. Alêʼ ateyn a nà n-ghɨ ma a n-læ nà chî ghelɨ Hâm afu sɨ asɨ. ⁴¹Ghelɨ nâ ghèyn a ghɨ n-læ nyàʼ azɨyna àŋena têyn nɨn læ nà ghɨ ghɨ̀bo ntèʼ a ɨtuʼ nɨ̀ fòyn Hèzèkayà ta wu nà n-saʼ Judà. Àŋena nɨn læ meyn nà ndu nù ghelɨ Hâm a àŋena mɨ̂bè, baʼsɨ̂ kɨmɨ nɨ̀ ghelɨ Meyù ghì a ghɨ nà n-ghɨ afu, ɨ zuetɨ àŋena sɨ afu nô ghɨ̀ jɨ̀m, sɨ koʼ sɨ chem layn, wùl sɨ ateyn na lum bu kalɨ wi afu. Àŋena nɨn læ ni tî ɨ faŋ kɨ faŋ sɨ afu bòm ta alêʼ ateyn a nà n-kelɨ ɨtwaʼ ɨ jûŋ sɨ̂ nyamsɨ àŋenasɨ. ⁴²Ghelɨ Simìyòn nâ ghêyn ghɨli ɨ ghɨ ì tâyn nɨn læ meyn ndu zɨ sɨ nu ilaʼi kfɨynsɨ a Sêy. Ghelɨ nâ ghì ɨ ghɨ ì tâyn nà n-ghɨ tì a tisɨ̂ Pèlatìyà nɨ̀ Nelìyà nɨ̀ Lèfayà nɨ̀ Uziyèl, baʼsɨ̂ nɨ̀ woyn Ishì. ⁴³Àŋena nɨn læ zɨ a ilaʼ afu tì, ɨ zuetɨ mèsì ghelɨ Amalèk ghì a ghɨ n-læ faŋ afu nô mɨ ɨlvɨ gha, ɨ faŋ nà sɨ chi kɨ afu sɨ koʼ sɨ chem layn.