1 Chronicles 7

Ɨntweŋ ndo nɨ̀ Isakà

¹Isakà nɨn læ nà kelɨ woyn ghɨ lûmnɨ̀ ghɨ̀kæ̀; ɨ Tola nɨ̀ Puwà nɨ̀ Jashùb ŋêyn Shimlòn. ²Tola nɨn læ meyn bzɨ Uzì nɨ̀ Lefayà nɨ̀ Jeliyèl nɨ̀ Jamày nɨ̀ Ibsàm ŋêyn Samwèl. Woyn nâ ghèyn ntufa têyn nɨn læ meyn lema koʼ, nô mɨ ndà nà boŋ kelɨ isas i ndo nɨ̀ ŋweyn. Woyn Tola nà n-ghɨ, ghɨ kya àŋena ìwoŋ. A n-læ nà ghɨ ɨtuʼ nɨ̀ fòyn Devìt, woyn Tola ghɨ sugèyʼsɨ̀ chem nkam mɨ̀vɨm mbò njvàsɨ̀ bò, nɨ̀ ghelɨ ighɨ ntufa. ³Uzì nɨn læ nà ghɨ bò Izlàhayà, Izlàhayà ɨ lema koʼ ɨ bzɨ woyn ghɨ̀kæ̀, ɨ Mikèl nɨ̀ Òbàdayà nɨ̀ Jowèl ŋêyn Ishiyà. Àŋena têyn ghɨ̀tâyn nɨn læ nà chɨ̂yntɨ̀ ghɨ kɨ ghɨ̀bo ntèʼsɨ. ⁴Uzì nɨn læ nà kelɨ ghelɨ a ŋweyn isas i ndo nkam mɨ̀vɨm ɨ̀ntal, nɨ̀ ghelɨ nkamsɨ ntufa, ghɨ kfeynɨ̂ sɨ seʼ iwòŋ. Àŋena nà n-dvɨ̂ tì bòm ta àŋena nà n-kelɨ ghɨ̀kì kɨ̀ sa idvɨ̀, baʼsɨ̂ nɨ̀ woyn. ⁵Kɨ̀ ghelɨ ndo nɨ̀ Isakà ghì a ghɨ taŋtɨ kàlì ma ghɨ nàkâʼ a ghɨ seʼ iwoŋ, nà n-chɨ̂yntɨ̀ ghɨ nkam mɨ̀vɨm nfama nɨ̀ ghelɨ nkamsɨ̀ nsòmbo.

Woyn Benjamìn

⁶Benjamìn nɨn læ nà kelɨ woyn ghɨ̀tal, a ghɨ Belà nɨ̀ Bekà ŋêyn Jediyèl. ⁷Belà ɨ Lema bzɨ woyn ghɨ̀tâyn, ɨ Ezbòn nɨ̀ Uzì nɨ̀ Uziyèl nɨ̀ Jelemòt ŋêyn Ilì. Àŋena têyn nɨn læ nà ghɨ ghelɨ ghɨtisɨnɨ a àŋena ɨchfɨ ndo. Ghelɨ isas i ndo nɨ̀ Belà ghi a ghɨ nà n-kfeynɨ sɨ seʼ ighoŋ nà n-ghɨ nkam mɨ̀vɨm mbò njvàsɨ̀ bò, nɨ̀ ghelɨ mɨvɨm ntal. ⁸Bekà nɨn læ bzɨ Zemilà nɨ̀ Jòwâsh nɨ̀ Elizà nɨ̀ Eliyonày nɨ̀ Omlì nɨ̀ Jelemòt nɨ̀ Abijà nɨ̀ Anatòt ŋêyn Alemèt. Àŋena têyn bulamòʼ nà n-chɨ̂yntɨ̀ ghɨ woyn Bekà. ⁹Ghelɨ isas i ndo nɨ̀ Bekà ghì a ghɨ ta sugèyʼsɨ̀, nɨ̀ ghelɨ ghɨ tisɨnɨ, nà n-chɨ̂yntɨ̀ ghɨ nkam mɨ̀vɨm ɨ̀mbo nɨ̀ ghelɨ ɨ ghɨ ìbò ta ghɨ n-læ nyaʼ lèm. ¹⁰Jediyèl nɨn læ bzɨ Bilhàn, Bilhàn ɨ làlì ɨ bzɨ woyn nsòmbo, a ghɨ Jewùsh nɨ̀ Benjamìn nɨ̀ Ehùd nɨ̀ Kenanà nɨ̀ Zetàn, baʼsɨ̂ nɨ̀ Tashìsh ŋêyn Àhishahà. ¹¹Woyn Jediyèl nâ ghèyn nô ghɨ̀ jɨ̀m nɨn læ nà ghɨ kɨ ghelɨ ghɨ tisɨnɨ nô ghɨ̀ jɨ̀m. Àŋena nà n-chɨ̂yntɨ̀ kelɨ ghelɨ nkam njvàsɨ̀ nsòmbo nɨ̀ ghelɨ ighɨ ì bò, ghɨ kelɨ adyaʼ, ma ghɨ kàʼ a ghɨ seʼ iwoŋ nô mɨ ɨlvɨ gha. ¹²Îl ŋêyn Ahà nɨn læ nà ghɨ kɨmɨ ghelɨ isas i ndo nâ ghèyn. Îl nà n-kelɨ woyn ghɨ̀bò, ɨ Shufìm ŋêyn Hufìm, Ahà ɨ kelɨ kɨ Hushìm.

Woyn Naftalì

¹³Naftalì nɨn læ nà kelɨ woyn ghɨ̀ kæ̀ a ghɨ Jaziyèl nɨ̀ Gunì nɨ̀ Jezà ŋêyn Shilèm. Nà bò àŋena nɨn læ nà ghɨ Bilà.

Woyn Mànasè

¹⁴Mànasè nɨn læ bzɨ Asliyèl ŋêyn sùyn, izɨyn i ŋweyn ɨ ghɨ Alamèn. Asliyèl ɨ læ bzɨ Makìl, ɨ bò Gilèd. ¹⁵Makìl nɨn læ lema, ɨ ndù wi antêynɨ̀ woyn nɨ̀ Hufàyt ŋêyn Shufàyt. Jèmtɨ̀ ŋweyn nà n-ghɨ izɨyn i ŋweyni ghɨ Makà. Wâyn ɨlvɨ nà n-ghɨ ghɨ toŋtɨ̂ na Zelofehàd, wu kelɨ kɨ woyn ghɨkì ¹⁶Makà, ɨ wi Makì nɨn læ bzɨ wâyn ɨlumnɨ̀ ghɨ toŋtɨ̂ na Belèsh. Wâynà Belèsh nà n-ghɨ izɨyn i ŋweyni ghɨ Shelèsh, wu kelɨ woyn woyn ghɨ̀bò, ghɨ toŋtɨ̂ na Ulàm ŋêyn Lakèm. ¹⁷Wâyn Ulàm nà n-ghɨ Bedàn. Àŋena têyn nô ghɨ̀ jɨ̀m nà n-ghɨ woyn Gilèd, ɨ wâyn Makì. Makì ɨ ghɨ wâyn Mànasè. ¹⁸Jèmtɨ̀ Gilèd ɨ Hamolekèt nɨn læ bzɨ Ishhòd nɨ̀ Abiyezà ŋêyn Mala. ¹⁹Woyn Shemidà nɨn læ nà ghɨ Ahiyàn nɨ̀ Shekèm nɨ̀ Likì ŋêyn Aniyàm.

Woyn Eflèm

²⁰Eflèm nɨn læ nà ghɨ bò Shutelà, Shutelà ɨ ghɨ bò Belèd, Belèd ɨ ghɨ bò Tahàt, Tahàt ɨ ghɨ bò Eledà, Eledà ɨ ghɨ bò Tahàt. ²¹Tahàt nɨn læ nà ghɨ bò Zabàd, Zabàd ɨ ghɨ bò Shutelà. Eflèm nɨn læ meyn nà kelɨ kɨ mɨ woyn ghɨli ghɨ̀bò sɨ baʼsɨ sɨ̂ Shutelà, ghɨ toŋtɨ̂ na Ezà ŋêyn Elèd, âŋena læ ndù nà momsɨ̀ sɨ choŋ nyamsɨ ghelɨ Gât, ghɨ ghal leŋ zuetɨ. ²²Bò àŋena, Eflèm nɨn læ meyn dzɨ̀ ìkfɨ i àŋena nô sɨ a mɨchi mɨ dvɨ̂ à, woynà ŋweyn ɨ gvi kfɨmtɨ ŋweyn. ²³Eflèm nɨn læ meyn fi chi nɨ̀ wi ŋweyn, wu timi ɨlvâ, ɨ bzɨ wayn ɨlumnɨ̀ wu chfɨ̀ ìzɨyn i ŋweyn na Beliyà, ma à ti ndòyn, be nà, ndoyn zɨ meyn a ŋweyn isas i ndo. ²⁴Eflem nà n-kelɨ wayn ɨwi ghɨ toŋtɨ̂ na Shelà. A n-læ bàʼlɨ ŋweyn Bet Helòn abàs ikuè, ɨ bàʼlɨ̀ abàs itsɨŋ, ɨ baʼlɨ kɨmɨ Uzen Shelà. ²⁵Eflèm nɨn læ meyn nà kelɨ kɨmɨ wâyn ɨlumnɨ̀ ghɨ toŋtɨ̂ na Lefà. Lefà ɨ ghɨ bò Leshèf, Leshèf ɨ ghɨ bò Telà, Telà ɨ ghɨ bò Tahàn. ²⁶Tahàn nɨn læ nà ghɨ bò Ladàn, Ladàn ɨ ghɨ bò Amihùd, Amihùd ɨ ghɨ bò Elishamà, ²⁷Elishamà ɨ ghɨ bò Nûn, Nûm ɨ ghɨ bò Joshwà. ²⁸Ɨlwêʼ vzɨ̀ a woyn Eflèm nɨn læ nà chi ateyn, nɨ̀ gveyn sìsɨ̀ a àŋena nà n-kelɨ, baʼsɨ̂ nɨ̀ ɨ̀twaʼ ɨ nyamsɨ nɨ̀ àŋena, nɨn læ nà chɨ̂yntɨ̀ baʼsɨ̂ nɨ̀ Betèl nɨ̀ ntèʼ sisɨ̀ a sɨ nà n-ghɨ a mbæ̀sɨ̀ têyn ta Nalàn, abàs ghè a ɨchfɨ-iyvɨ nɨn sal ateyn, kɨ̀mɨ nɨ̀ Gezà, abàs ghè a ɨchfɨ iyvɨ i nɨn sœ ateyn, baʼsɨ̂ nɨ̀ ntèʼ sîsɨ̀ a sɨ nà n-ghɨ a mbæ̀sɨ̀ ateyn. Ɨlwêʼ ateyn nà n-ndû chem kɨmɨ a Shechèm abàs ikuè, nɨ̀ ntèʼ sisɨ̀ a sɨ nà n-ghɨ afu, sɨ koʼ sɨ chem nô a Ayaʼ, nɨ̀ ntèʼ sisɨ̀ a sɨ nà n-ghɨ afu. ²⁹Ɨlwêʼ vzɨ̀ a wu nà n-baʼsɨ sɨ̂ woyn Mànasè nɨn læ nà ghɨ Bet Shàn nɨ̀ Tanàch nɨ̀ Megidò nɨ̀ Dôl, baʼsɨ̂ nɨ̀ ntèʼ sisɨ̀ a sɨ nà ghɨ a ɨlwèʼ nâ ghàyn. Woyn woyn Josèf, ɨ wâyn Jàkôb nɨn læ nà chi a ntèʼsɨ nâ ghàyn

Woyn Ashà

³⁰Ashà nɨn læ nà ghɨ bò Imà, Imà ɨ ghɨ bò Ishvà, Ishvà ɨ ghɨ bò Ishvì, Ishvì ɨ bò Beliyà. Ànena nà n-kelɨ jêmtɨ̀ ghɨ toŋtɨ̂ na Selà. ³¹Beliyà nɨn læ nà kelɨ woyn ghɨ lûmnɨ̀ ghɨ̀bò, ɨ Hebà ŋêyn Malkiyèl. Malkiyèl nɨn læ nà ghɨ bò Bilzayìt. ³²Hebè nɨn læ nà kelɨ woyn ghɨ lûmnɨ̀ ghɨ̀tal, ɨ Jaflèt nɨ̀ Shomè ŋêyn Hotàm. Wu nà n-kelɨ kɨmɨ wayn ɨwi ghɨ toŋtɨ̂ na Shuwà. ³³Jaflet nɨn læ lema, ɨ bzɨ kɨmɨ woyn ghɨ̀tal, ɨ Basàch nɨ̀ Bimhàl ŋêyn Ashvàt. ³⁴Wâynà ŋweyn, Shomè ɨ lema ɨ boŋ bzɨ kɨmɨ woyn ghɨ lûmnɨ̀ ghɨ̀tal, ɨ Ahì nɨ Logà ŋêyn Alàm. ³⁵Wâynà àŋena ɨtwelâ ɨ Helèm, ɨ lema ɨ bzɨ woyn ghɨ lûmnɨ̀ ghɨ̀kæ̀, ɨ Zofà nɨ̀ Imnà nɨ̀ Shelèsh ŋêyn Amàl. ³⁶Woyn Zofà nɨn læ nà ghɨ Suwà nɨ̀ Halnefè nɨ̀ Shuwàl nɨ̀ Belì nɨ̀ Imlà. ³⁷Woyn Zofà ghɨli nà n-ghɨ Bezè nɨ̀ Hôd nɨ̀ Shamà nɨ̀ Shilshà nɨ̀ Itlàn baʼsɨ̂ nɨ̀ Belà. ³⁸Woyn Jetè nɨn læ nà ghɨ Jefunè nɨ̀ Bisbà ŋêyn Alà. ³⁹Woyn Ula nà n-ghɨ Alà nɨ̀ Haniyèl ŋêyn Liziyà. ⁴⁰Ghelɨ nâ ghèyn nô ghɨ̀ jɨ̀m a ghɨ taŋtɨ têyn nà n-ghɨ kɨ woyn Ashè; Àŋena nà n-ghɨ ghɨ̀bo ntèʼsɨ, nɨ̀ tɨ̀foyntɨ bemnɨtɨ, baʼsɨ̂ nɨ̀ ghelɨ ighoŋ ghɨ bemnɨ. Ɨghî a ghɨ nà n-ghɨ sɨ a ghelɨ ighoŋ nà n-chɨ̂yntɨ̀ ghɨ nkam mɨ̀vɨm mbò, njvàsɨ̀ ntufa a isas i ndo nɨ̀ Ashè nâ ghàyn ta ghɨ n-læ nyaʼ ɨ lèm.