Psalms 124
This book is a draft. It has been translated but has not yet finished checking, and is published here so the community can read and respond to it.
Fɨyini fɨ̀ nɨn kɨ̂ŋtɨ̀ ghelɨ ŋweyn
Njàŋ ta Devìt nɨn læ betɨ na ghɨ na yema ɨlvɨ ta ghɨ n-koʼ a ndô Fɨyini
1BÔBO ti nà n-bu ghesɨ̀na nɨ̀ àŋena ma à n-læ gàyn gha? Ghesɨ̀nà ghelɨ Isìlæ̀ chɨyntɨ̂ bè kɨ̀ têyn na,
2BÔBO ti nà n-bu ghesɨ̀na nɨ̀ àŋena tî ta ghɨ gvì sɨ nu ghesɨ̀nà Ma à n-læ gàyn gha?
3Ma ɨtoŋ ɨ yafɨnɨ nɨn læ meyn nì àŋena mzɨ̀ ghesɨ̀nà kɨ̀ ghɨ to.
4Ma jvasɨ nɨ̂n læ meyn to ɨ lì ghesɨ̀nà, Ma ànkuŋa nɨ̂n læ meyn fvɨ̀ ɨ lì ghesɨ̀nà.
5Ma ɨtoŋ baŋnɨ nɨ̂n læ meyn nì àŋena chɨl ghesɨ̀nà kɨ̀ ta ànkuŋ. Ma ànkuŋa nɨ̂n læ meyn chɨytɨ ghesɨ̀nà.
6Ikoʼsɨ-i nɨn ndû sɨ̂ BÔBO vzɨ̀ a wù n-læ faŋ tɨ̀ vìsi Na mbaynɨ̀sɨ̀ lum sàytɨ̀ ghesɨ̀nà.
7Mɨtì ghesɨ̀nà ɨ sòli kɨ ta fɨnyuyn atam nɨ̀ wùl ɨ byemnɨ. Atam ateyn a nɨn læ meyn sàytɨ̀, ghesɨ̀nà ɨ bœ̀.
8Igâmtɨ̀ i ghesɨ̀nà i nɨn lû kɨ sɨ̂ BÔBO Ɨvzɨ̂ a wù n-læ faytɨ iyvɨ nɨ̀ nse.