Psalms 14
This book is a draft. It has been translated but has not yet finished checking, and is published here so the community can read and respond to it.
Ghelɨ ghɨ li nɨn kya wi Fɨyini
Njàŋ ta Devìt nɨ̀n læ betɨ ɨ fu sɨ̂ nchfɨ̀ njàŋ
1Ɨ̀ngu nɨn lêm kɨ a àŋena ikfàʼtɨ̀ na,
“Fɨyini fɨ̀ lum zɨ̂ wì a wùl iwo.”
Àŋena lum ngvɨynɨ̂ kɨ ngvɨynɨ awo; àŋena lum kwô kɨ nkfɨmsɨ awo.
Wùl sɨ ateyn lum nî wì iwo àtì-ati.
2BÔBO nɨn ghɨ iyvɨ ki suʼsɨ̂ nɨ̀ mbzɨ
Ki sɨ yeyn na, wùl nɨ̀n ghɨ a mbzɨ ta wù n-kya iwo, fâyn Fɨyini a.
3Ghelɨ le meyn dzɨ nô ghɨ̀ jɨ̀m,
Nô mɨ ndà sɨ ngvɨynɨ̂ kɨ ngvɨynɨ awo;
Wùl sɨ ateyn lum nî wì iwo i àtì-ati,
nô ɨ̀mòʼ.
4Ghelɨ awo a bɨ-a ti n-ghɨ na ghɨ læ̀ yeʼî wì iwo ma?
Àŋena nɨn ghaytɨ̂ fsɨ kɨ ɨ̀fwo sɨ̂ ghelɨ̀ ghem; ghelɨ̀ ghem sɨ ghɨ kɨ gveynsɨ sɨ̂ àŋena,
Ghelɨ awo a bɨ-a lum bɨfɨ wi iwo sɨ̂ Bôbo Fɨyini.
5Àŋena gheyn kêʼ, ifayn ì ɨ ghɨ sɨ læ̀ sɨ zuetɨ àŋena,
Bòm ta Fɨyini fɨ̀ nɨn ghɨ ŋêyn ghelɨ àtì-ati.
6Zɨ̀ ghelɨ awo a bɨ-a lum bebsɨ̂ kɨ bebsɨ awo sɨ̂ ghelɨ ghɨ bolɨ,
Mɨtì Bôbo Fɨyini ɨ ghɨ àlêʼ a leytɨnɨ-a nɨ̀ ghelɨ ghɨ bolɨ.
7Mɨ n-lutɨ̂ sû jêm kɨ nô jem na, Ibœ-ì lu a Zayòn gvì a Isìlæ̀!
Bôbo Fɨyini læ̀ kasi fu ɨfwo ghelɨ ŋweyn,
A woyn Jàkôb na saŋlɨ-à,
A ghelɨ Isìlæ̀ na dyala.