Psalms 67
This book is a draft. It has been translated but has not yet finished checking, and is published here so the community can read and respond to it.
Njàŋ sɨ fu àyòŋnɨ̀ sɨ̂ Fɨyini fɨ̀
Njàŋ ta ghɨ n-læ betɨ na nchfɨ̀ njàŋ na fu-a ghɨ yema, buʼ tɨ̀luŋ
1Keli ikfâʼtɨ̀ i juŋì sɨ̂ ghès, Dyèyn atem a juŋà sɨ̂ ghès,
Fɨyini feyfɨ boysɨ ghes.
Yì toʼ yvɨ̀tɨ
2Ta ka mbzɨ ì jɨ̀m keli dzɨ̂ shyasɨ,
A ghelɨ tɨlaʼ tɨ̀ jɨ̀m yeyn dzɨ zɨ̀ a wà n-bœ̂sɨ̀ ghelɨ ateyn.
3Ni ghelɨ mbzɨ na koʼsɨ̂ và a Fɨyini fɨ̀,
Ni ghelɨ mbzɨ na koʼsɨ̂ và nô ghɨ̀ jɨ̀m.
4Ni ghelɨ mbzɨ na saŋlɨ-à, yem njàŋsɨ̀ koʼsɨ̂ và,
Bòm ta wà n-tisɨ̂ tɨ̀laʼ tɨ mbzɨ tɨ̀ jɨ̀m,
Saʼ ghelɨ ghɨ̀ jɨ̀m kɨ àtì-ati.
5Ni ghelɨ mbzɨ na koʼsɨ̂ và a Fɨyini fɨ̀,
Ni ghelɨ mbzɨ na koʼsɨ̂ và nô ghɨ̀ jɨ̀m.
Yì toʼ yvɨtɨ
6Wà boysɨ meyn ghès a Fɨyini feyfɨ,
Ɨ̀ nì ɨfwo ɨ yɨnɨ na koʼ a gvêynsɨ̀.
7Wa boysɨ̂ kɨ boysɨ ghes a Fɨyini feyfɨ,
Ta ka mbzɨ ì jɨ̀m na koʼsɨ̂ và.