Amos 3

¹Zɨ ghelɨ Isɨlae ghì nô ghɨ̀jɨ̀m a Bobo Fɨyini nɨ̀n lae lì zɨ ɨ fvɨ̀ nɨ̀ zɨ̀ sɨ ilaʼ i Ijib, yì yvɨtɨ iwo zɨ̀ a Bobo Fɨyini nɨ̀n kɨŋ sɨ bè na yi ni meyn bèbsɨ. ²“À n-ghɨ kɨ zɨ̀ isas i ndo ìmòʼ zɨ̂ a mbzɨ a mɨ n-lae chòʼ sɨ a ma ghêl. Yì na kya na mɨ n-fu ngeʼ sɨ̂ zɨ bòm mbɨ sìsɨ̀ a yì nì. ³Yi timi meyn yèyn ta ghelɨ ghɨ bò bìmi sɨ nà jêl avɨ amò bula ghɨ yɨnɨ a? ⁴Yi timi meyn yvɨ ta nyàmàbo nɨn dzɨ̂ ɨtwaʼ bula yì yeyn nyam ì lì ɨ nà kɨŋ sɨ ku a? Yi timi meyn yvɨ ta nyàmàbo nɨ̀n dzɨ̂ alèʼ ghè a yì nchi ateyn, kelɨ wi afo sɨ kfɨl a? ⁵Fɨnyuyn fɨ timi meyn lì atam bula ghɨ nî bènà (àtam) lèm afo ateyn a? Yi timi meyn yeyn ta atama ku alêʼ ayum a? ⁶Yi timi meyn yeyn ta ghelɨ yvɨ tɨkvɨfi tɨ iwòŋ ta yi n-gvî a nteʼ ɨ̀ nà fâyn wì a? ⁷Bobo Fɨyini bû timi nì ìwo bula wo nî dyêyn nchwae àteyn sɨ asɨ sɨ̂ nfèʼtɨ̀ sɨ ŋweynsɨ ⁸Nyàmabo ti kae dzɨ̀, a faŋ nda tɨ̀ nà fâyn a? Bobo Fɨyini vzɨ̂ a wù ngàŋtɨ̂ chwò taŋi meyn, a ti n-faŋ ndà tɨ̀ fèʼtɨ ntum ŋweyn a? ⁹Yì feʼtɨ̂ ndù sɨ̂ ghelɨ ghì a ghɨ n-chi a antêynɨ̀ mbàyn sɨ ghàʼnɨsɨ a Ijib nɨ̀ Ashdod na, Bobo Fɨyini bè na, ''Yì yvɨŋtɨ a atû kfɨ̀ynsɨ ghê a sɨ jɨ̀ŋ kal Samaliya ɨ yeyn ngèʼ i kaynɨ nɨ̀ mɨ̀lùmnchuŋ mzɨ̀ mɨ̀ n-ghɨ sɨ̂ ghelɨ a afu'' ¹⁰Bobo Fɨyini bè na, Ghelɨ gheyn kam meyn ghelɨ ɨ̀ ghàytɨ/fòlì sfɨ ɨfwo àŋena sɨ adyàʼ ɨ ndù luynsɨ a àŋena a ndosɨ. Aŋena bû tìmi nà kya sɨ nì iwo àtì ati ¹¹Bòm tèyn, mbàynɨ̀sɨ àŋenasɨ nɨn gyèmtɨ̀ àŋena ɨ bèbsɨ ìlaʼ i àŋena ɨ̀ fì choŋ lù nɨ̀ ɨ̀fwo vzɨ̀ a wu n-ghɨ a àŋena ndosɨ ¹²A laè boê kɨ ghelɨ sɨ ilae antêynɨ nɨ̀ ghelɨ Samaliya ghì a ghɨ dùʼì nà bɨŋlɨ a mɨ̂chɨ ɨ̂njùŋ lvɨ̂yn. Ghɨ laè nà sayn boŋtɨ̂ bòŋtɨ àŋena, kɨmɨ tèyn ta nyàmabo nɨn kfɨlɨ bzɨ ɨ̀ bɨ̀sɨ àfyeyn à bò kɨ̀sa atuŋlɨ àmòʼ, nchì bzɨsɨ ni gvì ɨ nà boŋtɨ-à ¹³Tòʼ yvɨtɨ ɨ fu nfàsì nfàsì sɨ̂ woyn Jakob.'' A n-taŋî Bobo Fɨyini fîfɨ a fɨ ngàŋtɨ chwò. ¹⁴A laè nà ghɨ achi ghè a ka ma fu ngeʼ sɨ̂ ghelɨ Isɨlae bòm mbɨsɨ àŋena, a mà bebsɨ̀ ɨbwaŋ ifu vzɨ̀ a wu n-ghɨ a Betel. Ndoŋ (sɨ nyâm) sìsɨ̀ a sɨ n-ghɨ (tòmtɨ) nômɨ a mbaèsɨ abaŋ ifu àkà læ̀ nà choʼtɨ̂ kɨ tèyn chemlɨ̂ a nse. ¹⁵A laè nà ghɨ nô mɨ ndo sìsɨ̀ a ghɨ fàytɨ bàʼlɨ̀ bòm agvɨl a bêŋ kèsa à n-ghɨ mɨ̀two ta ghɨ yɨ̀s kɨ̀ yɨsɨ nɨ̀ lùm, ma sâʼtɨ̀ kɨ saʼtɨ. Ndo sìsɨ̀ a ghɨ bàʼlɨ̀ ɨ̀ fàytɨ̂ nyòtɨ̀ nô mɨ nɨ̀....laè nà jes kɨ teyn felɨ à. Ndo laè ghaʼ chwôsɨ̀ wì sɨ fe nô ì mòʼ. À tàŋi Bobo Fɨyini.