Isaiah 11
This book is a draft. It has been translated but has not yet finished checking, and is published here so the community can read and respond to it.
Wâyn fòyn Devìt ɨ̀lvì læ̀ gvî nɨ̀ mbôynɨ̀
1Wâyn(fòyn DDevìt) ɨ̂lvì læ̀ fvɨ̂ koʼ (isas i ndo nɨ̀) ta ntusɨ a sɨ fvɨ̀ koʼ akfɨ̀m/atòŋ a fɨ̂kàʼ. Aghaŋ a fɨ̂kàʼ nâ kì læ̀ ni-à a fɨ kola mɨtam ɨ̀n jùŋ/ɨn fɨ.
2Fòyn ɨ fɨ nâ wèyn a wù læ̀ fvɨ̂ koʼ isas i ndo nɨ̀ Devìt tèyn læ̀ nà kelɨ àyvɨs a Fɨyini. Ayvɨs ateyna læ̀ ni-a a wù na kelɨ ìtof (yeyn kilî àwo) faytɨ̂ kya àwo ɨ nì a wù na kelɨ àdyaʼ fî kya sɨ tebtɨ ghelɨ. Ayvɨs ateyna læ̀ ni-à, a wù na kya àwo fî kelɨ ìfâyn i Bôbo Fɨyini (fî fâyn Bôbo Fɨyini.
3Ayvɨs (a Fɨyini) nâ kì læ̀ ni-à a fòyn nâ wèyn na kôŋ kɨ sɨ nà yvɨnɨ Bôbo Fɨyini. Wù læ̀ nà saʼ wi ghelɨ bòm àwo kì a wù yeyn kɨ̀ yeyn kèsa bòm àwo kì a wù n-yvɨ kɨ yvɨ.
4Mɨtì wù læ̀ saʼ ghelɨ ànfɨf kɨ àtì-ati. Wù læ̀ saʼ ghelɨ ghɨ bolɨ a mbzɨ kɨ ighel/fyetɨ̂ wì iwo. Wù læ̀ fu ngeʼ sɨ̂ ghelɨ a mbzɨ kɨ nɨ̀ àwo kì a wù bè. Wù læ̀ zuêsɨ̀ kɨ zuesɨ a ghelɨ awo a bɨ- kfɨtɨ nô ghɨ̀ jɨ̀m.
5Fòyn nâ wèyn læ̀ nà nî nô mɨ ghà kɨ àtì-ati. Wù læ̀ nà bê mɨ na gha, nî kɨ ta wù bè.
6À læ̀ nà ghɨ ta fòyn nâ wèyn nɨ̀n saʼ, a bɨsɨ ɨtwaʼsɨ na chî kɨ nò nɨ̀ mbôynɨ̀ antêynɨ̀ nɨ̀ woyn njɨ̀sɨ̀, nyamsɨ ɨtwaʼsɨ ɨ chî kɨ nô nɨ̀ mbôynɨ̀ nɨ̀ bzɨsɨn ndoŋsɨ. Woyn nyamsɨ mbòloʼ nɨ̀ woyn bzɨ̀kemsɨ læ̀ nà yɨ àfo/akaʼ àmòʼ baʼsɨ̂ nɨ̀ ɨ̀chôʼ ɨ nyâmsɨ̀, a kinî/tôʼnɨ̀ wayn ɨtwelâ nɨ̀ nyamsɨ ateynsɨ nô sɨ̀ jɨ̀m.
7Nyamsɨ mbòloʼsɨ læ̀ nà yɨ ŋêyn bɨsɨ ɨtwaʼsɨ, woyn nyamsɨ mbòloʼ nɨ̀ woyn bɨsɨ ɨtwaʼsɨ ɨ nyɨŋ kɨ nô nɨ̀ mbôynɨ̀ alèʼ àmòʼ. Bzɨ̀kemsɨ læ̀ nà kfɨlɨ ɨ̀yol/ɨ̀nfûʼ kɨ̀ ta nyamsɨ mbòloʼ (mbòŋsɨ̀).
8Woyn ghɨ bolɨ læ̀ nà dɨm a ngùŋ ɨ̀buʼ mbamsɨ (mɨ̀muʼayvà) ma sɨ kàʼ sɨ bû lum àŋena. Samoʼ woyn ghɨ bolɨ læ̀ nà tuŋ ɨ̀wu ɨbùʼ ɨ mbam sɨ bɨsɨ, sɨ lum wi àŋena.
9Ghɨ læ̀ fu wi ngeʼ/bebsɨ̂ wì wul ɨ̀ faŋ tɨ̀ lèmsɨ wul a kfɨyn i laynɨ nɨ̀ mà nô ì jɨ̀m bòm ta ghelɨ ghɨ̀ jɨ̀m a mbzɨ læ̀ nà ghɨ kya/kôŋ Bôbo Fɨyini kɨ ta mu a mɨ̀ luyn a jvâ i ghaʼnɨ.
10À læ̀ nà ghɨ ɨtuʼ nâ ghè a wâyn Jesì nâ wèyn timi ta nchwæ, ɨ bæ̀ sɨ̂ ghelɨ tɨ̂laʼ a mbzɨ. Tɨlaʼ tɨ mbzɨtɨ læ̀ nà yvɨ̂ŋtɨ̀ a ŋweyn ibàm. Alêʼ kì a wù n-yvɨ̂tɨ̀/n-ghɨ ateyn ɨ (ghɨ ìlaʼ i ŋweyni) ŋwaʼà.
11À læ̀ nà ghɨ ɨtuʼ nâ ghè, a Bôbo Fɨyini fî fvɨ̀sɨ̀ gvì nɨ̀ ghelɨ Isìlæ̀ ghì a ghɨ bu chi a Àsilìyà baʼsɨ̂ nɨ̀ ɨghî a ghɨ n-ghɨ a Ijìb, nɨ̀ àdyaʼ a bemnɨ-a kì a wù n-keɨ. Wù læ̀ kasî lî gvî kɨmɨ nɨ̀ ɨghî a ghɨ faŋ a Kûsh nɨ̀ Elàm nɨ̀ Bailòn nɨ̀ Hamàt kɨmɨ nɨ̀ ɨghî a ghɨ faŋ a tɨ̂laʼ ghè a tɨ n-ghɨ a mbæsɨ jvâ.
12Wù læ̀ lâysɨ̀ àbâs a ndzɨsɨ iyvɨ sɨ a nchwʼ a tɨlaʼ tɨ mbzɨtɨ kasi kèli ìyvɨ̂tɨ̀. Ghelɨ Isìlæ̀ ghì a ghɨ tî ghàytɨ ndù nɨ̀ àŋena a tɨ̂laʼ tɨ litɨ/ lù nɨ̀ àŋena. Wù læ̀ kasî yvɨ̂ŋtɨ̀ ghelɨ Judà ghì a ghɨ tî gwòsɨ̀, a àŋena kasi kfa sɨ a tɨ̂ghaŋ tɨ mbzɨ tɨ̀ kæ̀.
13Ghelɨ (Efɨ̀lèm) Isìlæ̀ læ̀ nà bu ghêʼ wì ghelɨ Judà, ghelɨ Judà ɨ bu ghɨ wi mbàynɨ̀sɨ̀ ŋêyn ghelɨ Judà.
14Àŋena læ̀ tas ìwoŋ, chɨ̀yntɨ̀ ndù kèʼ/nù ghelɨ Fìlisìyà abàs ghè a ɨchfɨ̂ iyvɨ i nɨn sœ ateyn (kɨ̀ ta fɨnyuyn a fɨ n-tâyn suʼi sɨ gvɨ̀ a jɨ̂m nɨ̀ nyàm sɨ keʼ nyam àteyn. Àŋen a læ̀ tɨm yɨ ghelɨ Fìlisìyà abàs ghè a ɨchfɨ̂ iyvɨ i nɨn sal ateyn ɨ̀ lì lù nɨ̀ ɨ̀fwo àŋena sɨ ɨfwo a ghɨ yɨ. Àŋena læ̀ tɨm yɨ ghelɨ Edòm nɨ̀ ghelɨ Mowàb. Ghelɨ Amòn læ̀ nà ghɨ isas isaʼ nɨ̀ àŋena.
15Bôbo Fɨyini læ̀ ni-à a mû na bu fɨ̀ kalì wi a ɨ̂nkuyn jvâ ibaŋnɨ (Ijìb). Wù læ̀ ni-à a afyef a lumà na chwô atû jvà Yufɨ̀lèt, gwôsɨ̀ jva àteyn a à na ghɨ jvasɨ nsòmbo ta ka ghelɨ na kya sɨ dyàŋ ateyn a nse.
16Wù læ̀ nî tèyn ta ka ghelɨ ŋweyn ghì a ghɨ faŋ a Asilìyà na kelɨ dzɨ ì jùŋ/ìghaʼnɨ sɨ jèl ateyn sɨ kasi sɨ kfa kɨ ta ghelɨ Isìlæ̀ nɨn læ dyàŋ jvâ (Ijìb) i baŋnɨ ɨtuʼ ta àŋena nɨn fvɨ̀ sɨ a Ijìb.