Isaiah 15
This book is a draft. It has been translated but has not yet finished checking, and is published here so the community can read and respond to it.
Saʼgha i bɨ kûm ghelɨ Mowàb
1Ɨyêyn nɨn ghɨ saʼgha i bɨ kûm ghelɨ Mowàb.
Mbàynɨ̀sɨ bebsɨ meyn ntèʼsɨ Âl a Mowàb nɨ̀ntuʼ kɨ̀ achi àmoʼ. Ghɨ bebsɨ meyn ntèʼsɨ Kî a Mowàb nɨ̀ntuʼ kɨ̀ achi àmòʼ.
2Ghelɨ Dibòn koʼ meyn a ndô mɨyini nɨ̀ àŋena ɨlwèʼ hè a àŋena nɨn koʼsɨ mɨyini ateyn sɨ na dzɨ-à. Ghelɨ Mowàb nɨn dzɨ̂ nô sɨ a ŋaŋ bòm ntèʼ Nebò nɨ̀ ntèʼ Medebà. Àŋean kom meyn ɨ̀tu, ɨ̀ kom nyuŋsɨ adyèl bòm ngeʼ zɨ̀ a àŋena nɨn ghɨ ateyn.
3Àŋena maʼ meyn fɨ̀ntsɨ nà jelɨ̀ kal a dzɨ sɨ tosɨ bòm ngeʼ zɨ̀ a àŋena nɨn ghɨ ateyn. Àŋena nɨn dzɨ̂ ɨtu ndosɨ, dzɨ̂ a ɨfàf ma ghɨ fê/nyiŋi meyn kfɨ̀sɨ àkêʼ a nse.
4Ghelɨ Heshbòn nɨ̀ ghelɨ Eliyalè nɨn byaytɨ̂ dzɨ̂ nô nɨ̀ gya sɨ tosɨ, ghɨ n-yvɨ gyasɨ àŋena ndû chem a Jahàz. Nô mɨ sugèyʼ sɨ tosɨ a Mowàb nɨn byaytɨ̂ dzɨ̂ nô nɨ̀ gya sɨ tosɨ, ma àŋena kfɨ meyn sayn/ma ifâyn i bemnɨ-i ku meyn àŋena.
5Atem à kema nɨn fu ngeʼ sɨ̂ mà bòm/kûm ngeʼ zɨ̀ a ghelɨ Mowàb nɨn ghɨ ateyn. Ghelɨ Mowàb ɨ leʼnɨ meyn ndù a ntèʼ Zowà nɨ̀ ntèʼ Eglàt Shìlishìyà. Ghɨli nɨn koʼ ndû dzɨ a a dzɨ ta yì n-ndû a Luhìt, dzɨ̂nɨ̀ ndû kɨ ndu, ghɨli leʼ ndù dzɨ̀ a dzɨ ta yì n-ndû a Holonèm, dzɨ̂ ndû kɨ ndu ta ghɨ bèbsɨ ilaʼ i àŋena.
6Jvasɨ yum meyn a Nimlìm, ɨyolɨ vzɨ̀ a wu n-ghɨ a mbæ̀sɨ ateyn kfɨ, nô àyol a yvɨ-à na bu ghɨ wi afu.
7À ti iwo zɨ̀ a ghelɨ Mowàb lì ɨfwo àŋena vzɨ̀ kèli dzɨ sɨ yvɨ̀ŋtɨ̀, bèʼì nà dyâŋ àfoŋlɨ a ɨnkàʼ mɨ̀ wilòsɨ̀.
8Ghelɨ Mowàb nɨn dzɨ̂ kal kɨ̀ tɨghami tɨ àŋena tɨ̀ jɨ̀m bòm ngeʼ zɨ̀ a àŋena nɨn ghɨ ateyn. Ghɨ n-yvɨ ìdzɨ̂ i àŋena ndû chem a Eglèm, yvɨ ndû chem kɨmɨ a Elìm.
9Jvasɨ nɨn ghɨ a ntèʼ Dimòn a bâŋ kɨ mɨ̀luŋ mɨ̀ ghelɨ Mowàb ghì aten a ghɨ zuètɨ mɨtì Bôbo Fɨyini ɨ ghɨ sɨ fì sɨ fu ngeʼ i bemnɨ sɨ̂ àŋena yi chwô ɨ zɨ nâ zɨ̀. Bzɨ̀kemsɨ nì kutɨ̂ kfɨlɨ ghelɨ Mowàb ghì a ghɨ fŋ ilaʼ, nɨ ɨghî a ghɨ tî lèʼnɨ lù.