Isaiah 16

Ghelɨ Mowàb nɨn yeyn ngeʼ/ Ghelɨ Mowàb ɨ loyn igâmtɨ̀ sɨ̂ ghelɨ Jèlusalèm

¹Ghelɨ Mowàb nɨn bê na, “Ghesɨ̀nà nɨn kelɨ sɨ tum woyn njɨ̀sɨ̀ sɨ ifu sɨ̂ ghelɨ ghɨ tisɨnɨ a Judà (sɨ loyn na ghɨ gamtɨ ghesɨ̀nà). Ghesɨ̀nà tum a ntèʼ Selà sɨ toynɨ a nse iyum ɨ̀ ndù a Jèlusalèm, a kfɨ̂yn Zayòn

²Ghɨ̀ki Mowàb nɨn ghɨ alèʼ ghè a ghɨ dyàŋ jvâ Alnòn ateyn a nse. Àŋena nɨn ghɨ kɨ ta mɨnyuyn ɨlvɨ ta ghɨ sàŋ mɨ̀ fvɨ̂ sɨ a ndosɨ nà leŋ tɨ̀wô.

³Àŋena nɨn bê/dzɨ̂ sɨ̂ ghelɨ Judà na, “Yì tebtɨ ghes/feʼtɨ iwo zɨ̀ a ka ghèsɨ̀ ni. Yì gamtɨ ghes, ghès nɨn ghɨ a ngeʼ. yì kɨŋtɨ ghes sɨ̂ mbàynɨ̀sɨ̀ kɨ̀ ta fɨkâʼ fìfɨ̀ a fɨ n-fu lɨmà lɨ̀mà fɨ̂m kɨ tèyn ɨlvɨ ta chuè bayn to. Yì leytɨ ghes ɨ ghelɨ ghɨ jɨŋnɨ. Ka yi n-bèyʼlɨ ghès sɨ̂ mbàynɨ̀ seysɨ.

⁴Ghesɨ̀ nɨn chwotɨ̂ na yì visi ghèsɨ̀ ghelɨ Mowàb ghɨ jɨŋnɨ gvi nà chî a yi ilaʼ, yi kɨ̂ŋtɨ̀ ghès sɨ̂ mbàynɨ̀ sìsɨ̀ a sɨ n-kɨŋ sɨ bebsɨ ghes sɨ li nô mɨ ghà ta ghès nɨn kelɨ. A nì nà ghɨ ta ghelɨ ghì a ghɨ n-yeʼtɨ ghes mæ̀, ghelɨ ghì a ghɨ n-bebsɨ ilaʼ ì yesi mæ̀, ghelɨ ghɨ bɨ ghì a ghɨ n-fu ngeʼ sɨ̂ ghès mæ̂ sɨ a ghès ilaʼ,

⁵a Fɨyini fɨ ni a wâyn fòyn Devìt ɨ̀lvì koʼ ɨfôyn nà saʼ ghelɨ kɨ àtì-ati, saʼ nɨ̀ ìkoŋi. Wu læ̀ nà nî kɨ àwo kì a kɨ n-ghɨ àtì-ati, saʼ fyeʼtɨ̂ wì nsaʼsɨ ghêl.

⁶Ghelɨ Judà nɨn bê na, “Ghèsɨ yvɨ meyn àwo kûm ìghaŋsɨ i ɨwùyn nɨ̀ ghelɨ Mowàb. Àŋena nɨn ghaŋsɨ̂ ɨ̀wuyn nô sɨ a ŋaŋ, lêm na ghɨ n-chwô ghelɨ ghɨ li mɨtì ighaŋsɨ i ɨwùyn nɨ̀ àŋena ɨ ghɨ kɨ salû.

⁷À ti iwo zɨ̀ a ghelɨ Mowàb nɨn dzɨ̂ nô sɨ a ŋaŋ. Àŋena nɨn dzɨ-à bòm ngeʼ zɨ̀ ilaʼ i àŋena i nɨn ghɨ ateyn. Àŋena nɨn kfâʼtɨ̀ Lesìn sìsɨ̀ a àŋena tî nà yɨ a Kil Hàlesèt iwo ateyni nà fu ngeʼ sɨ̂ àŋena.

⁸Ɨfwo ɨ yɨnɨ vzɨ̀ a ghɨ tòʼ a gvêynsɨ̀ a Heshbòn kfɨ meyn, ghɨ bebsɨ gveynsɨ mɨ̂tàm sîsɨ̀ a sɨ n-ghɨ a Sibmà. Tɨfôyn tɨ tɨ̂laʼ tìtɨ̀ a tɨ n-ghɨ a mbæ̀sɨ Mowàb teyntɨ meyn tɨ̀fyas tɨ mɨ̂tàm tîtɨ̀ a tɨ tî nà ndû chem a Jazà nɨ̀ ntu sɨ fɨ (sìsɨ̀ a) sɨ kàsi kfɨ̀ koʼ ateyn, yam meyn ndù chem injɨyn i jvâ Fɨ̀ngvaŋ/ighaʼnɨ.

⁹À ti iwo zɨ̀ a mɨ n-dzɨ̂ lvɨ̂yn kɨ̀ ta ghelɨ Sibmà nɨn dzɨ bòm gveynsɨ mɨ̂tam nɨ̀ àŋena. Mɨ n-chyeʼsɨ̂ kɨ fɨ̀sɨ kûm ghelɨ Hehbòn nɨ̀ ghelɨ Elelè. Yi n-bu yem wi njàŋ sɨ saŋlɨnɨ sìsɨ̀ a yì tî nà yema ɨlvɨ ta mɨ̀tâm kòla a yi ɨnkàʼ, bu yem wi ɨlvɨ ta yì kfì ɨfwo ɨ yɨnɨ a gvêynsɨ̀.

¹⁰Ghɨ nî meyn na wùl na bu saŋlɨ̂/dyalɨ wi a gvêynsɨ mɨtam nɨ̀ zɨ̀, bu yvɨ wi mɨ ta ghelɨ nɨn yem njàŋsɨ̀ a gvêynsɨ gɨ̀lêbsɨ̀ nɨ̀ zɨ̀, yvɨ wi mɨ ta ghɨ n-byaytɨ afu. Nô wùl nɨn bu kam wi mɨlûʼ alèʼ ghè a ghɨ n-kam mɨlûʼ mɨ̀ gɨ̀lêbsɨ̀ ateyn. Ma nî meyn na isaŋlɨ zɨ̀ a yi n-saŋlɨ ɨlvɨ ta ghɨ n-kfî ɨfwo a yi a gvêynsɨ̀ mæ.

¹¹Mɨ n-dzɨ̂ kɨ ta iluŋ a ghɨ n-buʼ bòm ngeʼ zɨ̀ a ghelɨ Mowàb nɨn ghɨ ateyn. Mɨ n-dzɨ̂ kɨ nô nɨ̀ àkfɨynà;kûm ghelɨ Kil Halesèt.

¹²Ghelɨ Mowàb nɨn ndû ɨlwèʼ ghè a àŋena nɨn koʼsɨ mɨyini ateyn, fu kɨ ngeʼ sɨ̂ ngeŋsɨ àŋenasɨ, iwo i àŋena i ɨ ghɨ wi sɨ kfeyn. Àŋena nɨn jêm sɨ̂ mɨyini mɨ̀ àŋena, mɨtì nô fɨ̀mòʼ fɨ kelɨ wi adyaʼ sɨ gàmtɨ àŋena.

¹³À ti iwo zɨ̀ a Bôbo Fɨyini sɨ ghɨ ma wù bê meyn kûm ghelɨ Mowàb. ¹⁴Mɨtì Bôbo Fɨyini nɨ̀n bê lvɨ̂yn na, “À na ghɨ ibàm i bèŋ sɨ̀ tal sɨ zɨ̀tɨ lvɨ̂yn, a mà ni a ighaʼ i ghelɨ Mowàb ì mæ nô ì jɨ̀m a ghelɨ àŋena kfɨtɨ nô sɨ idvɨ̀, a à bœ kɨ̀ ghelɨ sɨ ilf nà kelɨ wi adyaʼ.