Isaiah 39
This book is a draft. It has been translated but has not yet finished checking, and is published here so the community can read and respond to it.
Hèzèkayà ɨ fsɨsɨ ghelɨ ntum ma ghɨ lù a Babilòn
1À nà n-ghɨ a mɨchi nâ ghè, Mèlodak-Bàladàn ɨ wâyn Baladàn ɨ fòyn Babilòn ɨ tum ŋwàʼlɨ̀ nɨ̀ ɨ̀fwo sɨ̂ fòyn Hèzèkayà. À nà n-ghɨ tì ma wù yvɨ meyn na Hèzekayà nɨ̀n koʼi a. 2Hèzèkayà nɨ̀n fsɨsɨ meyn àŋena, ɨ dyèyntɨ̀ ɨ kal nɨ̀ ɨ̀fwo vzɨ̀ nô ɨ̀ jɨ̀m a wu n-ghɨ ɨlwèʼ ghè a ghɨ n-lêm ɨfwo ateyn. Ɨfwo ateyn nà n-ghɨ àso ɨkwo a baŋnɨ-a nɨ̀ àso ɨkwo a fɨfâ nɨ̀ ɨ̀fwo ɨ lɨmtɨnɨ nɨ̀ mɨ̀vɨ̂l ɨ̀n jùŋ nɨ̀ ɨ̀fwo iwòŋ baʼsɨ̂ nô mɨ nɨ̀ ghà vzɨ̂ a kɨ nà n-ghɨ ɨlwèʼ nâ ghè a ghɨ n-lêm ighaʼ ateyn. Hèzeikayà nɨ̀n dyêyn meyn nò mɨ ghà ta kɨ nà n-ghɨ a ŋweyn ilaʼ sɨ̂ ghelɨ ntum nâ ghèyn.
3Nfèʼtɨ̀ Isayà ɨ kæ ndù sɨ bɨf sɨ̂ fòyn Hèzèkayà na, “Ghelɨ ghèyn lù wo? Ghɨ gvì bè na gha?”
Hèzèkayà ɨ bèynsɨ̀ ɨ bè sɨ̂ ŋweyn na, “Àŋena lù a Babilòn, ilaʼ ndyèyn àteyn ɨ dyefà.”
4Nfèʼtɨ̀ ì ghaʼnɨ ɨ bɨf sɨ̂ ŋweyn na, “Àŋena yèyn gha a wa n-toʼa? Hèzèkayà ɨ bè na, ‘Àŋena yeyn meyn/ma dyeyn meyn nô mɨ ghà ta kɨ n-ghɨ alèʼ ghè a ghɨ n-lêm ighaʼ ateyn a ntoʼ sɨ̂ /àŋena.’”
5Ìsayà ɨ kæ be sɨ̂ Hèzèkayà na, “Yvɨtɨ iwo zɨ̀ a Bôbo Fɨyini ɨ bò ɨ̀dwaʼ ɨ̀ jɨ̀m bè. 6Samo;g ɨlvɨ ɨ nì kfeynà, a ghɨ beʼi nô mɨ ghà ta kɨ n-ghɨ a wa ntoʼ baʼsɨ̂ nɨ̀ ɨ̀fwo vzɨ̀ nô ɨ̀ jɨ̀m a ghɨ̀bo gha tî nà lêm koʼ sɨ koʼ sɨ chem layn ɨ ndù nɨ̀ ɨ̀ŋweyn a Babilòn. À bè Bôbo Fɨyini. 7Ghɨ læ̀ lî kɨmɨ woyn ghya ghɨ li ma à bzɨ kɨ̀ nô và, ɨ̀ ndù nɨ̀ àŋena a Babilòn a ghɨ na felɨ̀ àkôs.”
8Wù n-læ bè tî, Hèzèkayà ɨ bè na, “Iwo nâ yèynì a Bôbo Fɨyini tum na wà gvi bè tèyn nɨ̀n njofà. Wu n-bè têyn ta wù kfàʼtɨ̀ na, “Mbôynɨ̀ ɨ nì nà ghɨ a mɨchi ghè a wù n-saʼ ateyn.