Isaiah 8

Wâyn Isayà nɨn ghɨ ta nchwæ sɨ̂ ghelɨ

¹Bôbo Fɨyini nɨn læ meyn bè sɨ̂ mà na, “Faytɨ/lì abâŋ afo a ghaʼnɨ-a ɨ nyàʼ ìwo yèynì ateyn yi na faytɨ̂ bayna. Wa n-nyàʼ ìwo yèynì na, “Màhâ-Shàlal-Bâz, yi dyèyn/bê na, ²wa n-lî/jâŋ Ulìyà ɨ ngàŋ ndô Fɨyini ŋêyn Sàkàliyà ɨ wâyn Jèbèlèkayà ɨ ghelɨ ghɨ samsɨ̂ àŋena, ta ka àŋena na ghɨ n-chwò sɨ nsaʼ iwo afî a mà bè na wà ni. ³Fɨyini fɨ nɨ̂n bè tî, ghɨ chitɨ sɨ aleŋ ɨlvɨ, wùl ɨ wi nɨ̀ mà ɨ timi ɨlvâ/boŋ wayn, ɨ bzɨ wayn ɨ lûmnɨ̀. Bôbo Fɨyini ɨ bè sɨ̂ mà na mà chfɨ izɨyn i ŋweyn na, “Màhà-Shalal-Hàsh-Bâz.” ⁴Wayn ɨ lûmnɨ̀ nâ wèyn læ̀ se sɨ lema sɨ chem aleŋ sɨ nà kya sɨ bè na, “(Nà wom, bò wom) toŋtɨ̂ nà ŋweyn ŋêyn bò ŋweyn ma sugèyʼ sɨ ghelɨ Asilìyà gvî meyn choŋ/lì lù nɨ̀ ɨ̀fwo ɨ jûŋ nɨ̀ ghelɨ Dàmaskùs nô ɨ̀ jɨ̀m kɨ̀mɨ nɨ̀ ɨwu ghelɨ Sàmalìyà.”

⁵Bôbo Fɨyini nɨn fi meyn taŋi sɨ̂ mà ɨ bè na,

⁶“Ta ghelɨ Judà leʼ/chasɨ Bôbo Fɨyini, wu tôʼnɨ̀ nɨ̀ àŋena kɨ ta jvâ Shilowà a yi n-nî yi nà kalì-à kɨ sijya-sijya kûm Lezìn ŋêyn Bekà ɨ wâyn Lèmalìyà ta ghɨ n-yɨnɨ ŋêyn àŋena.

⁷Mɨ n-nì-à a fòyn Asilìyà ŋêyn sugèyʼsɨ ŋweynsɨ nô sɨ̀ jɨ̀m gvi kèʼ zɨ̀. Àŋena læ̀ gvî kɨ ta ànkuŋ ɨlvɨ ta kɨ fvɨ̀ a jvâ Yufɨ̀lèt ɨ̀ luyn chwò ɨ̀fyayn, nà kalì a mbæ̀ jvà.

⁸Àŋena læ̀ toynɨ̂/zɨ̂ bebsɨ̂ a Judà kɨ̀ ta jvà nî yi to ànkuŋa fvɨ toynɨ kɨ ɨlwêʼ ɨ̀ jɨ̀m. Àŋena læ̀ fâynsɨ̀ ghelɨ Judà nô sɨ a ŋaŋ. Mɨtì a Bôbo Fɨyini kɨŋtɨ ilaʼ i àŋena nɨ̀ tɨ̀wôtɨ̀ kɨ̀ ta fɨnyuyn bòm ta Bôbo Fɨyini nɨn ghɨ ŋêyn àŋena.

⁹Tɨlaʼ tɨ mbzɨtɨ yì yvɨŋtɨ, yì na chɨŋtɨ̂ faynà. Tɨlaʼ tìtɨ̀ a tɨ n-ghɨ a ndyèynsɨ̀, yì faytɨ yvɨ̀tɨ. Yì baʼtɨ sɨ tɨm iwoŋ. Mɨtì ghɨ ghɨ sɨ tɨm sɨ yɨ zɨ.

¹⁰Yì faytɨ bàʼtɨ dzɨ zɨ̀ a ka yì im iwoŋ ateyn, mɨtì iwo ì zɨ-i ɨ ghɨ wi sɨ kfeyn. Yi choʼnɨ/kfaœɨ awo kì a ka yi nì mɨtì nô ìmòʼ ɨ ghɨ wi sɨ timi bòm ta Fɨyini fɨ nɨn ghɨ ghesɨ̀ àŋena.

Yì na fâyn Fɨyini/samsɨ̂ kɨ Fɨyini

¹¹Bôbo Fɨyini nɨn læ meyn taŋi sɨ̂ mà nô nɨ̀ àdyaʼa ɨ bè/kàyn na ka mà ni awo a bɨ-a kì a ghelɨ ghèyn nɨn nî. Wù n-læ bè na,

¹²‘Ka wa n-læ̀ nà kulɨ mɨ̀nàŋ zɨ̂ ghelɨ ghèyn, ka na fâyn àwo kì a àŋena nɨn fâyn.

¹³Wa kya na à n-ghɨ kɨ Bôbo Fɨyini ɨ bò ɨ̀dwaʼ ɨ̀ jɨ̀m a wù n-lâyn. Wà n-kelɨ sɨ nà fâyn kɨ ŋweyn, chɨŋtɨ̂ fâyn kɨ bòm ŋweyn.

¹⁴Bôbo Fɨyini ɨ nì nà tôʼnɨ̀ nɨ̀ zɨ̀, mɨtì sɨ̂ ghelɨ Isìlæ̀ nɨ̀ ghelɨ Judà, wu ghɨ ngòʼ zɨ̀ a yì nî na àŋena na dyamtɨ̂ fe-à, ghɨ ta atam a ghɨ bèynà sɨ̂ ghelɨ Jèlusalèm.

¹⁵Ghelɨ ghɨ dɨnɨ a àŋena antêynɨ̀ læ̀ dyamtɨ-à, ɨ̀ fèlɨ kfɨ̀tɨ. Ghɨ læ̀ beynà àtam, kùtɨ àŋena ateyn.

¹⁶Yi n-kelɨ sɨ nà lêm iyeʼi nâ yèynì sɨ fu tɨsaʼ nâ tèyntɨ̀ sɨ̂ ghelɨ ghì a ghɨ n-jûmtɨ̀ ŋweyn.

¹⁷Mà na chîtɨ̀ kɨ Bôbo Fɨyini vzɨ̀/fìfɨ̀ a fɨ/wù n-lêytɨ̀ ikêʼ i ŋweyn sɨ̂ ghelɨ ndo nɨ̀ Jàkôb. Mà na samsɨ̂ kɨ ŋweyn.

¹⁸Ghesɨ̀ woyn ghì a Bôbo Fɨyini fù sɨ̂ mà nɨn ghɨ nchwæ, ghɨ n-tum Fɨyini sɨ̂ ghelɨ Isìlæ̀ ma yì lù sɨ̂ Bôbo Fɨyini ɨ bò ɨ̀dwaʼ ɨ̀ jɨ̀m vzɨ̀ a wù n--ghɨ a kfɨyn Zayòn/vzɨ̀ a achɨ a tɨ̂fòyn nɨ̀ ŋweyn a nɨn ghɨ a kfɨ̂yn Zayòn.

¹⁹Ghelɨ ghɨ li læ̀ nà bê sɨ̂ zɨ̀ na, “Ndu bɨf awo sɨ̂ ghelɨ mɨ̂nyaʼ baʼsɨ̂ nɨ̀ ghelɨ ghì a ghɨ n-bɨf awo sɨ̂ nkfɨsɨ nsesɨ gha nà fêʼtɨ̀ àwo ghɨ nà nyâʼtɨ̀ fêœɨ̀-a. Àŋena nɨn bê na ghelɨ nɨn kelɨ àdyaʼ sɨ nà bɨfɨ awo sɨ̂ mɨ̀yìnì mɨ̀ àŋena. Bòm ghà ta ghelɨ ghì a à n-ghɨ chì nɨn bɨf awo sɨ̂ nkfɨsɨ nseɨ a? ²⁰Àŋena bê tì ye bè sɨ̂ àŋena na, yì na yvɨtɨ̂ àwo kì a Bôbo Fɨyini nɨ̀n yeʼi zɨ nɨ̀ ànkeynà. Ka yì na yvɨtɨ̂ àwo kì a ghelɨ nâ ghèyn nɨn bê. Awo nâ kì kàʼ kɨ bû gàmtɨ̀ zɨ̀. ²¹Ghelɨ nâ ghèyn læ̀ nà jelɨ kal a yi ilaʼ ghɨ a mɨ̂lùmchuŋ, jeŋsɨ ɨ fî yafa. Jeŋsɨ læ̀ se sɨ yaf àŋena, a ghɨ nyoʼsɨ ɨtoŋ nô sɨ a ŋaŋ, te fòyn àŋena, te kɨ̀mɨ Fɨyini fɨ àŋena. Àŋena læ̀ ki koʼsɨ̂ nɨ̀ ìyvɨ i, ²²ɨ̀ ki kɨ ɨlwêʼ ɨ̀ jɨ̀m a mbzɨ, faŋ tɨ̀ kèli igâmtɨ̀ nô sakos. Àŋena læ̀ nà yeyn kɨ àbe a fɨmnɨ-a, ghɨ kɨ a mɨ̂lùmchuŋ, yeyn kɨ ngeʼ, a ghɨ maʼ àŋena antêynɨ̀ àbe a fɨmnɨ-a nâ ghè.