Nehemiah 11

Ghelɨ ghì a ghɨ nà n-chi a Jèlusalèm

¹Ghelɨ ghɨ tisɨnɨ a Isìlæ̀ nà n-chî a Jèlusalèm. Ghelɨ Isìlæ̀ ghɨ li ɨ tɨm bèyʼ sɨ choʼ isas i ndo antêynɨ̀ àsas a ndosɨ ìvɨm na àŋena na chî a Jèlusalèm ɨ ntèʼ ì laynɨ, asas a ndosɨ a li-a kì bulamòʼ faŋ kɨ̀ a àŋena ntèʼsɨ. ²Ghelɨ ɨ bè àwo a juŋà sɨ̂ ghɨ̀lûmnɨ̀ ghì a ghɨ n-choʼnɨ sɨ a àŋena ngeŋsɨ sɨ nà chi a Jèlusalèm.

³Ɨghêyn nɨn ghɨ ghelɨ ghɨ tisɨnɨ ghì a ghɨ n-lù a ntèʼ sɨ lisɨ ɨ gvì sɨ nà chi a Jèlusalèm. À nà n-ghɨ ghelɨ Isìlæ̀ ghɨ li nɨ̀ ngàŋsɨ ndô Fɨyinisɨ nɨ̀ ghelɨ ndo nɨ̀ Levì nɨ̀ ghelɨ ghì a ghɨ n-felɨ̀ a ndo Fɨyini. Woyn ghelɨ ghɨ felɨnɨ nɨ̀ Sòlomòn nà n-chi a ntèʼsɨ lisɨ a Judà, nô mɨ ndà ɨ chî kɨ a ŋweyn alèʼ a ntèʼsɨ nâ ghàyn. ⁴Ghelɨ ndo nɨ Judà nɨ̀ ghelɨ ndo nɨ̀ Benjamìn nà n-chî a Jèlusalèm.

Ghelɨ isas i ndo nɨ̀ Judà nà n-ghɨ:

Atayà ɨ wâyn Uzayà. Uzayà ɨ ghɨ wâyn Zàkàliyà, Zèkàliyà ɨ ghɨ wâyn Amalìyà, Amalìyà ɨ ghɨ wâyn Shèfàtayà, Shèfàtaya ɨ ghɨ wâyn Màhalalèl ɨ wul ìsas i ndo nɨ̀ Bèlêz, ⁵kɨ̀mɨ nɨ̀ Maseyà ɨ wâyn Balùk, Balùk ɨ ghɨ wâyn Kol Hozè, Kol Hozè ɨ ghɨ wâyn Hàzayà, Hàzayà ɨ ghɨ wâyn Adayà, Adayà ɨ ghɨ wâyn Jòyalìb, Jòyalìb ɨ ghɨ Wâyn Zèkàliyà ɨ wul ìsas i ndo nɨ̀ Shelà. ⁶Ghelɨ isas i ndo nɨ̀ Bèlêz ghì a ghɨ nà n-chi a Jèlusalèm nà n-chɨ̂yntɨ̀ ghɨ ighɨ ì kæ̀ nɨ̀ ghelɨ mɨ̀vɨ̂m ntufa njvàsɨ̀ nfama a ghɨ ghɨ̀lûmnɨ̀ to nô a jûŋ.

⁷Ghelɨ isas i ndo nɨ̀ Benjamìn nà n-ghɨ:

Salù, Salù ɨ ghɨ wâyn Meshulàm, Meshulàm ɨ ghɨ wâyn Joyèd, Joyèd ɨ ghɨ wâyn Bèdayà, Bèdayà ɨ ghɨ wâyn Kòlayà, Kòlayà ɨ ghɨ wâyn Maseyà, Maseyà ɨ ghɨ wâyn Itìyèl, Itìyèl ɨ ghɨ wâyn Jèshayà, ⁸Gabày ŋêyn Salày nɨn læ meyn ndù kɨmɨ ŋêyn Salù a Jèlusalem. Ghelɨ Benjàmìn ghì a ghɨ n-læ ndù a Jèlusalèm nà n-chɨ̂yntɨ̀ ghɨ ighɨ bulamòʼ nɨ̀ ghelɨ mɨ̀vɨm ɨ̀m bò njvàsɨ̀ nfama. ⁹Jowèl ɨ wâyn Ziklì nà n-ghɨ wul ɨ̀ tisɨnɨ a ntèʼ Jèlusalèm, Judà ɨ wâyn Hàsènuwà ɨ kûmtɨ̀ sɨ̂ ŋweyn.

¹⁰Ngàŋsɨ ndô Fɨyini sìsɨ̀ a sɨ nà n-chi a Jèlusalèm nà n-ghɨ:

Jèdayà ɨ wâyn Jòyalìb nɨ̀ Jakìn, ¹¹nɨ̀ Sèlayà ɨ wâyn Hìlkayà, Hìlkayà ɨ ghɨ wâyn Meshulàm, Meshulàm ɨ ghɨ wâyn Zadòk, Zadòk ɨ ghɨ wâyn Melayòt, Melayòt ɨ ghɨ wâyn Ahitùb ɨ ngàŋ ndô Fɨyini i ngaŋtɨnɨ, ¹²baʼsɨ̂ nɨ̀ ghelɨ ghì a ŋêyn àŋena nà n-felɨ̀ amoʼ a ndô Fɨyini. Àŋena nà n-chɨ̂yntɨ̀ ghɨ ighɨ nfama nɨ̀ ghelɨ mɨ̀vɨm ɨ̀m bò njvàsɨ̀ bò. Ngàŋ ndô Fɨyini ì lì a yi n-ndù a Jèlusalèm nà n-ghɨ Adayà ɨ wâyn Jèlohàm, Jèlohàm ɨ ghɨ wâyn Bèlalìyà, Bèlalìyà ɨ ghɨ wâyn Amzì, Amzì ɨ ghɨ wâyn Zèkàliyà, Zèkalìyà ɨ ghɨ wâyn Bashùl, Bashùl ɨ ghɨ wâyn Malkijà, ¹³baʼsɨ̂ nɨ̀ ghelɨ ghì a ŋêyn àŋena nà n-felɨ̀ amoʼ, a ghɨ ghelɨ ghɨ tisɨnɨ asas a ndosɨ. Àŋena nà n-chɨ̂yntɨ̀ ghɨ ighɨ ì bò nɨ̀ ghelɨ mɨ̀vɨm ɨ̀n kæ̀ njvàsɨ̀ bò. Amashày nà n-ghɨ kɨmɨ ngàŋ ndô Fɨyini ì lì a yì n-læ ndu a Jèlusalèm. Amashày nà n-ghɨ wâyn Azalèl, Azalèl ɨ ghɨ wâyn Azày, Azày ɨ ghɨ wâyn Mèshìlemòt, Mèshìlemòt ɨ ghɨ wâyn Imà, ¹⁴baʼsɨ̂ nɨ̀ ghelɨ̀ ghì a ŋêyn àŋena nà n-felɨ̀ amoʼ a ghɨ ghɨ̀lûmnɨ̀ to nô a jûŋ. Àŋena nâ n-chɨ̂yntɨ̀ ghɨ ɨvɨ nɨ̀ ghelɨ mɨ̀vɨm ɨ̀m bò njvàsɨ̀ nfama. Wùl ɨ̀ tisɨnɨ nɨ̀ àŋena nà n-ghɨ Zabdiyèl ɨ wâyn Hàgedolìm.

¹⁵Ghelɨ ndo nɨ̀ Levì ghì a ghɨ ndu nà chi a Jèlusalèm nà n-ghɨ:

Shèmayà ɨ wâyn Hashùb, Hashùb ɨ ghɨ wâyn Azlikàm, Azlikàm ɨ ghɨ wâyn Hashàbayà, Hashàbayà ɨ ghɨ wâyn Bunì. ¹⁶Shàbètayà nɨ̀ Jozabàd nà n-ghɨ kɨmɨ ghelɨ ndo nɨ̀ Levì a ghɨ ɨ̀tu vzɨ̀ a wu nà n-tisɨ ghelɨ ndo nɨ̀ Levì ghì a ghɨ nà n-felɨ̀ abe a ndô Fɨyini. ¹⁷Màtànayà nà n-ghɨ wâyn Mikà, Mikà ɨ ghɨ wâyn Zabdì, Zabdì ɨ ghɨ wâyn Asàf vzɨ̀ a wu nà n-tisɨ ghelɨ ɨlvɨ ta ghɨ n-yem njàŋsɨ̀ jema, koʼsɨ̂ Fɨyini. À nà n-kûmtɨ̀ Bàkbùkayà sɨ̂ Matanayà. Abdà ɨ wâyn Shùwà nà n-ghɨ Shamùwà ɨ ghɨ wâyn Galàl, Galàl ɨ ghɨ wâyn Jèdutùn. ¹⁸Ghelɨ ndo nɨ̀ Levì ghì a ghɨ nà n-chi a Jèlusalèm nà n-chɨ̂yntɨ̀ ghɨ ighɨ ì bò nɨ̀ ghelɨ mɨ̀vɨ̂m nfama njvàsɨ̀ kæ̀.

¹⁹Ghelɨ ghì a ghɨ nà n-chî achfɨ̂ a mbàyn nà n-ghɨ:

Akùb nɨ̀ Talmòn nɨ̀ ghelɨ ghì a ŋêyn àŋena nà n-felɨ̀ amoʼ. Àŋena nà n-chɨ̂yntɨ̀ ghɨ ɨvɨ nɨ̀ ghelɨ mɨ̀vɨ̂m nsòmbo njvàsɨ̀ bò.

²⁰Ghelɨ Isìlæ̀ ghɨ li nɨ̀ ngàŋsɨ ndô Fɨyinisɨ nɨ̀ ghelɨ ndo nɨ̀ Levì nà n-chi kɨ ntèʼsɨ Judà sɨ̀ jɨ̀m, nô mɨ ndà ɨ chî kɨ alèʼ nɨ̀ ghɨ̀bo àŋena.

²¹Ghelɨ ghì a ghɨ nà n-felɨ̀ a ndô Fɨyini nà n-chî a kfɨ̂yn Ofèl, Zihà ŋêyn Gishbà ɨ tisɨ̂ àŋena.

²²Wùl ɨ̀ vzɨ̀ a wu nà n-tisɨ ghelɨ isas i ndo nɨ̀ Levì ghì a ghɨ nà n-chi a Jèlusalèm nà n-ghɨ Uzì, ɨ wâyn Banì, Banì ɨ ghɨ wâyn Hàshàbayà, Hàshàbayà ɨ ghɨ wâyn Matànayà, Màtànayà ɨ wâyn Mikà. Uzì nà n-ghɨ wul ìsas i ndo nɨ̀ Asàf vzɨ̀ a àŋena nà n-tisɨ ghelɨ ghɨ yemnɨ a ndô Fɨyini. ²³Ghelɨ ghɨ yemnɨ nà n-ghɨ isas isaʼ nɨ̀ fòyn. Fòyn nà n-fêʼtɨ̀ àwo kì a ka àŋena na nì-a achi achi.

²⁴Bètàhayà ɨ wâyn Mèshezabèl a ghɨ wul ìsas i ndo nɨ̀ Zelà ɨ wâyn Judà nà n-ghɨ ntum fòyn a Besìyà.

²⁵Ghelɨ ghɨ li ghì a ghɨ nà n-chî wì a Jèlusalèm nà n-chî baʼsɨ̂ a gvêynsɨ̀ nɨ̀ àŋena. Ghelɨ Judà ghɨ li nà n-chî a Kiliyat Abà ghɨli chî a Dibòn ghɨli chî a Jèkabzìl . ²⁶Ghɨli ɨ chî a ntèʼ Jeshùwà nɨ̀ Moladà nɨ̀ Bet Belèt, ²⁷ghɨli chî a Hazà Shuwàl nɨ̀ Beshebà nɨ̀ mɨ̀ntèʼtɨ̂ mzɨ̀ a mɨ̀ n-ghɨ a mbæ̀sɨ̀, ²⁸ghɨli chî kɨmɨ a Ziklàg nɨ̀ Mekonà nɨ̀ mɨ̀ntèʼtɨ̂ mzɨ̀ a mɨ̀ n-ghɨ a mbæ̀sɨ̀. ²⁹Ghɨli nà n-chî a En Limòn nɨ̀ Zolà nɨ̀ Jamùt, ³⁰nɨ̀ Zanowà nɨ̀ Adulàm baʼsɨ̂ nɨ̀ mɨ̀ntèʼtɨ̂ mzɨ̀ a mɨ̀ n-ghɨ a mbæ̀sɨ̀. Àŋena nà n-chî kɨmɨ a Lakìsh, nɨ̀ mɨ̀ntèʼtɨ̂ mzɨ̀ a mbæ̀sɨ ateyn, ghɨli chî a Azekà nɨ̀ mɨ̀ntèʼtɨ̂ mzɨ̀ a mɨ̀ n-ghɨ a mbæ̀sɨ ateyn. Yi ti ndyêyn na ghelɨ Judà nà n-chî sɨ zɨ̀tɨ̀ a Beshebà sɨ ndù sɨ chem ibal i Hinòm.

³¹Ghelɨ ndo nɨ̀ Benjamìn ghì a ghɨ n-lù a Gebà nà n-chî a Mikmàsh nɨ̀ Ayjà nɨ̀ Betèl baʼsɨ̂ nɨ̀ mɨ̀ntèʼtɨ̂ mzɨ̀ a mɨ̀ n-ghɨ a mbæ̀sɨ ateyn, ³²ghɨli chî a Anatòt nɨ̀ Nôb nɨ̀ Anànayà. ³³Àŋena ghɨ li nà n-chî a Hazò nɨ̀ Lamà nɨ̀ Gitayìm, ³⁴ghɨli chî a Hadìd nɨ̀ Zeboyìm nɨ̀ Nebalàt, ³⁵nɨ̀ Lôd baʼsɨ̂ nɨ̀ Onò. Ghɨli nà n-chi kɨmɨ ibal nɨ̀ ghelɨ ghì a ghɨ yeʼi sɨ nà faytɨ ɨfwo nɨ̀ ɨ̀wu.

³⁶Ghelɨ ndo nɨ̀ Levì ghɨ li ghì a ghɨ n-lù a Judà nɨn læ meyn ndù ɨ nà chî a Benjamìn.