Numbers 26
Ghɨ fi taŋ ghelɨ Isìlæ̀
1À nà n-ghɨ ta ngeʼ sisɨ mæ̀ Isìlæ̀, Bôbo Fɨyini ɨ bè sɨ̂ Mosìs ŋêyn Elizà ɨ wâyn Alòyn ɨ ngàŋ ndô Fɨyini na, 2“Yì taŋ ghɨ lûmnɨ̀ ghì nô ghɨ̀ jɨ̀m a ghɨ chem bèŋ mɨ̀vɨm ɨ̀m bò sɨ ndù asɨ a Isìlæ̀ kɨ̀ ɨchfɨ ndo ɨchfɨ ma ghɨ kàʼ a ghɨ tɨm iwoŋ.” 3Mosìs ŋêyn Elezà ɨ ngàŋ ndô Fɨyini ɨ kæ taŋi sɨ̂ ghelɨ Isìlæ̀ ibal i Mowàb a ngùŋ jvà Jodàn injɨyn i Jèlikò, ɨ bè na, 4“Yì taŋ ghɨ̀lûmnɨ̀ ghì a ghɨ chem bèŋsɨ̀ mɨ̀vɨm ɨ̀m bò sɨ ndù asɨ kɨ̀ ighel ta Bôbo Fɨyini nɨ̂n bè sɨ̂ Mosìs.”
Ɨghêyn nɨn ghɨ ghelɨ Isìlæ̀ ghì a ghɨ n-læ fvɨ̀ a Ijìb:
5Woyn Lubèn ɨ wâyn àsɨ nɨ̀ Isìlæ̀ nà n-ghɨ:
ghelɨ isas i ndo nɨ̀ Hanòk izɨyn i bò àŋena ɨ ghɨ Hanòk,
nɨ̀ ghelɨ isas i ndo nɨ̀ Balù, bò àŋena ɨ ghɨ Balù,
6kɨ̀mɨ nɨ̀ ghelɨ isas i ndo nɨ̀ Hezlòn bò àŋena ɨ ghɨ Hezlòn,
nɨ̀ ghelɨ isas i ndo nɨ̀ Kamì bò àŋena ɨ Kamì.
7Akeynà nà n-ghɨ àsas a ndosɨ nɨ̀ Lubèn. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkamsɨ mɨ̀vɨm ɨ̀n kæ̀ njvàsɨ̀ tal nɨ̀ ghelɨ ighɨ nsòmbo nɨ̀ ghelɨ mɨ̀vɨm ɨ̀n tal.
8Balù nà n-ghɨ bò Elìyàb, 9Elìyàb ɨ ghɨ bò Nemwèl ŋêyn Datàn baʼsɨ̂ nɨ̀ Abilàm. Datàn ŋêyn Abilàm nà n-ghɨ ghelɨ ghɨ tisɨnɨ ghì a ghɨ n-læ to nɨ̀ àtu a sɨ̂ Mosìs ŋêyn Alòyn ɨ ndu chɨ̀yntɨ̀ tɨ̀bam tɨ Kolà ɨtuʼ ta àŋena nɨn læ to nɨ̀ àtu a sɨ̂ Bôbo Fɨyini. 10Yi n-gàyn tî, nse ɨ kaʼa ɨ yema ɨ mzɨ àŋena baʼsɨ̂ nɨ̀ Kolà vzɨ̀ a ɨvɨsɨ nɨn læ nyòʼ tɨbam tɨ ŋweyn ighɨ ì bò nɨ̀ ghelɨ mɨ̀vɨm ɨ̀n tâyn a nà ghɨ nchwæ sɨ̂ ghelɨ Isìlæ. 11Ghɨ n-læ kfɨtɨ mɨ tì, woyn Kolà ɨ faŋ tɨ̀ kfɨtɨ.
12Woyn Simìyòn kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Nemwèl bò àŋena ɨ ghɨ Nemùwèl,
nɨ̀ ghelɨ isas i ndo nɨ̀ Jamìn bò àŋena ɨ ghɨ Jamìn,
nɨ̀ ghelɨ isas i ndo nɨ̀ Jakìn bò àŋena ɨ ghɨ Jakìn,
13kɨ̀mɨ nɨ̀ ghelɨ isas i ndo nɨ̀ Zelà bò àŋena ɨ ghɨ Zelà,
nɨ̀ ghelɨ isas i ndo nɨ̀ Shôl bò àŋena ɨ ghɨ Shôl.
14Akeynà nà n-ghɨ àsas a ndosɨ nɨ̀ Lubèn. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀m bò njvàsɨ̀ bò nɨ̀ ghelɨ ighɨ ì bò.
15Woyn Simìyòn kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Gâd bò àŋena ɨ ghɨ Gâd,
nɨ̀ ghelɨ isas i ndo nɨ̀ Zefòn bò àŋena ɨ ghɨ Zefòn,
nɨ̀ ghelɨ isas i ndo nɨ̀ Hagì bò àŋena ɨ ghɨ Hagì,
nɨ̀ ghelɨ Shunì, bò àŋena ɨ ghɨ Shunì,
16kɨ̀mɨ nɨ̀ ghelɨ isas i ndo nɨ̀ Oznì bò àŋena ɨ ghɨ Oznì,
nɨ̀ ghelɨ isas i ndo nɨ̀ Elì bò àŋena ɨ ghɨ Elì,
17baʼsɨ̂ nɨ̀ ghelɨ isas i ndo nɨ̀ Alodì bò àŋena ɨ ghɨ Alodì,
nɨ̀ ghelɨ isas i ndo nɨ̀ Alelì bò àŋena ɨ ghɨ Alelì.
18Akeynà nà n-ghɨ àsas a ndosɨ nɨ̀ Lubèn. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀n kæ̀ nɨ̀ ghelɨ ighɨ ì tâyn.
19Woyn Judà ghɨli nà ghɨ Êl ŋêyn Onàn mɨtì àŋena kfɨtɨ a Kenàn.
20Woyn Judà kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Shelà bò àŋena ɨ ghɨ Shelà,
nɨ̀ ghelɨ isas i ndo nɨ̀ Bèlêz bò àŋena ɨ ghɨ Bèlêz,
nɨ̀ ghelɨ isas i ndo nɨ̀ Zelà, bò àŋena ɨ ghɨ Zelà,
21Woyn Bèlêz nà n-ghɨ ghelɨ:
Ghelɨ isas i ndo nɨ̀ Hezlòn, bò àŋena ɨ ghɨ Hezlòn,
nɨ̀ ghelɨ Hamùl, bò àŋena ɨ ghɨ Hamùl.
22Akeynà nà n-ghɨ àsas a ndosɨ nɨ̀ Judà. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨ̂m nsòmbo jvàsɨ̀ ntufa nɨ̀ ghelɨ ighɨ ì tâyn.
23Woyn Isakà kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Tolà bò àŋena ɨ ghɨ Tolà,
nɨ̀ ghelɨ isas i ndo nɨ̀ Buwà bò àŋena ɨ ghɨ Buwà,
24nɨ̀ ghelɨ isas i ndo nɨ̀ Jashùb bò àŋena ɨ ghɨ Jashùb,
nɨ̀ ghelɨ isas i ndo nɨ̀ Shimlòn bò àŋena ɨ ghɨ Shimlòn.
25Akeynà nà n-ghɨ àsas a ndosɨ nɨ̀ Judà. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkamsɨ mɨ̀vɨ̂m ntufa njvàsɨ̀ kæ̀ nɨ̀ ghelɨ ighɨ ì tal.
26Woyn Zebulòn kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Selèd bò àŋena ɨ ghɨ Selèd,
nɨ̀ ghelɨ isas i ndo nɨ̀ Elòn bò àŋena ɨ ghɨ Elòn,
nɨ̀ ghelɨ isas i ndo nɨ̀ Jalèl bò àŋena ɨ ghɨ Jalèl.
27Akeynà nà n-ghɨ àsas a ndosɨ nɨ̀ Zebulùn. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨ̂m ntufa nɨ̀ ghelɨ ighɨ ì tâyn.
28Woyn Josèf nà n-ghɨ ghelɨ isas i ndo nɨ̀ Mànasè nɨ̀ ghelɨ isas i ndo nɨ̀ Eflèm.
29Woyn Mànasè nà n-ghɨ:
Ghelɨ isas i ndo nɨ̀ Makì, bò àŋena ɨ ghɨ Makì,
nɨ̀ ghelɨ isas i ndo nɨ̀ Gilèd bò àŋena ɨ ghɨ Gilèd ɨ wâyn Makì.
30Woyn Gilèd nà n-ghɨ:
Ghelɨ isas i ndo nɨ̀ Izà bò àŋena ɨ ghɨ Izà,
nɨ̀ ghelɨ isas i ndo nɨ̀ Helèk, bò àŋena ɨ ghɨ Helèk,
31nɨ̀ ghelɨ isas i ndo nɨ̀ Aslèl, bò àŋena ɨ ghɨ Aslèl,
nɨ̀ ghelɨ isas i ndo nɨ̀ Shekèm
32kɨ̀mɨ nɨ̀ ghelɨ isas i ndo nɨ̀ Shemidà bò àŋena ɨ ghɨ Shemidà,
nɨ̀ ghelɨ Hefà bo àŋena ɨ ghɨ Hefà.
33Zèlofehàd ɨ wâyn Hefà nà n-kelɨ wi woyn ghɨ lûmnɨ̀. Wu nà n-kelɨ kɨ woyn ghɨ̂kì, azɨyn a àŋena ɨ ghɨ, Malà nɨ̀ Nuwà nɨ̀ Hoglà ŋêyn Milkà baʼsɨ̂ nɨ̀ Tizà.
34Akeynà nà n-ghɨ àsas a ndosɨ nɨ̀ Zebulùn. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀n tâyn njvàsɨ̀ bò nɨ̀ ghelɨ ighɨ nsòmbo. 35Woyn Eflèm kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Shùtelà bò àŋena ɨ ghɨ Shùtelà,
nɨ̀ ghelɨ isas i ndo nɨ̀ Bekà, bò àŋena ɨ ghɨ Bekà,
nɨ̀ ghelɨ isas i ndo nɨ Tahàn bò àŋena ɨ ghɨ Tahàn.
36Woyn Shùtelà kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Elàn, bò àŋena ɨ ghɨ Elàn.
37Akeynà nà n-ghɨ àsas a ndosɨ nɨ̀ Eflèm. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀n tal njvàsɨ̀ bò nɨ̀ ghelɨ ighɨ ì tâyn.
À ti woyn Josèf kɨ̀ asas a ndosɨ asas a ndosɨ.
38Woyn Benjamìn kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Belà, bò àŋena ɨ ghɨ Belà,
nɨ̀ ghelɨ isas i ndo nɨ̀ Ashbèl, bò àŋena ɨ ghɨ Ashbèl,
nɨ̀ ghelɨ isas i ndo nɨ̀ Ahilàm, bò àŋena ɨ ghɨ Ahilàm,
39nɨ̀ ghelɨ isas i ndo nɨ̀ Shufàm, bò àŋena ɨ ghɨ Shufàm,
nɨ̀ ghelɨ Hufàm, bò àŋena ɨ ghɨ Hufàm 40Woyn Belà ghì a à nà n-ghɨ ghelɨ isas i ndo nɨ̀ Belà nɨ̀ ghelɨ isas i ndo nɨ̀ Namàn nà n-ghɨ:
Ghelɨ isas i ndo nɨ̀ Âld, bò àŋena ɨ ghɨ Âld
nɨ̀ ghelɨ isas i ndo nɨ̀ Namàn, bò àŋena ɨ ghɨ Namàn.
41Akeynà nà n-ghɨ àsas a ndosɨ nɨ̀ Benjamìn. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀n kæ̀ njvàsɨ̀ tâyn nɨ̀ ghelɨ ighɨ ntufa.
42Woyn Dân kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Shuhàm, bò àŋena ɨ ghɨ Shuhàm.
À ti ghelɨ àsas a ndosɨ nɨ̀ Dân. 43Àŋena nô ghɨ̀ jɨ̀m nà n-ghɨ ghelɨ asas a ndosɨ nɨ̀ Shuhàm. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨ̂m ntufa njvàsɨ̀ kæ̀ nɨ̀ ghelɨ ighɨ ì kæ̀.
44Woyn Ashà kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Imnà, bò àŋena ɨ ghɨ Imnà,
nɨ̀ ghelɨ isas i ndo nɨ̀ Ishvì, bò àŋena ɨ ghɨ Ishvì,
nɨ̀ ghelɨ isas i ndo nɨ̀ Belìyà, bò àŋena ɨ ghɨ Belìyà,
45kɨ̀mɨ nɨ̀ woyn Belìyà,
nɨ̀ ghelɨ isas i ndo nɨ̀ Hebà, bò àŋena ɨ ghɨ Hebà,
nɨ̀ ghelɨ isas i ndo nɨ̀ Malkìyèl, bò àŋena ɨ ghɨ Malkìyèl.
46Ashà nà n-kelɨ wayn ɨ wi izɨyn i ŋweyn ɨ ghɨ Selà.
47Akeynà nà n-ghɨ àsas a ndosɨ nɨ̀ Ashà. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀n tâyn njvàsɨ̀ tal nɨ̀ ghelɨ ighɨ ì kæ̀.
48Woyn Naftalì kɨ̀ isas i ndo isas i ndo nà n-ghɨ:
Ghelɨ isas i ndo nɨ̀ Jazèl, bò àŋena ɨ ghɨ Jazèl,
nɨ̀ ghelɨ isas i ndo nɨ̀ Gunì, bò àŋena ɨ ghɨ Gunì,
49kɨ̀mɨ nɨ̀ ghelɨ isas i ndo nɨ̀ Jezà, bò àŋena ɨ ghɨ Jezà,
nɨ̀ ghelɨ isas i ndo nɨ̀ Shilèm, bò àŋena ɨ ghɨ Shilèm.
50Akeynà nà n-ghɨ àsas a ndosɨ nɨ̀ Naftalì. Ghelɨ ghì a ghɨ n-læ taŋ nà n-chɨ̂yntɨ̀ ghɨ nkam mɨ̀vɨm ɨ̀n kæ̀ njvàsɨ̀ tâyn nɨ̀ ghelɨ ighɨ ì kæ̀.
51Ghɨ n-læ taŋ ghɨ̀lûmnɨ̀ a Isìlæ̀ àŋena nà chɨ̂yntɨ̀ ghɨ nkam ighɨ ntufa nɨ̀ ghelɨ nkam baʼsɨ̂ nɨ̀ ghelɨ ighɨ nsòmbo nɨ̀ ghelɨ mɨ̀vɨm ɨ̀n tal.
52Bôbo Fɨyini nɨn be meyn sɨ̂ Mosìs na, 53“Wà n-kelɨ sɨ gwòtɨ̀ ɨ̀lwêʼ nâ wèyn sɨ̂ ghelɨ nâ ghèyn kɨ̀ ighel ta akôyn isas i ndo nɨ̀ àŋena nɨn ghɨ. 54Wa n-fu ɨ̀lwêʼ ɨ belɨnɨ sɨ̂ àsas a ndosɨ kì a kɨ n-dvɨ ɨ fu ɨlwêʼ ɨ lælɨnɨ sɨ̂ àsas a ndosɨ kì a kɨ n-læ. Nô mɨ ìsas i ndo ì kà na kelî àlêʼ kɨ̀ ighel ta akôyn a ghelɨ isas i ndo kì a ghɨ n-læ nyàʼ azɨyn a àŋena nɨn ghɨ. 55Wà n-kelɨ sɨ tɨm bèyʼ jæ na wà fu alêʼ nô mɨ sɨ̂ ìsas i ndo ì kà kɨ̀ ighel ta azɨyn a ghɨ̀bo àŋena nɨn ghɨ. 56Ghɨ na se sɨ gwòtɨ ɨlwêʼ sɨ̂ àsas a ndosɨ kì a kɨ n-dvɨ̂ kèsa a kî a kɨ n-læ, ghɨ tɨm bèyʼ.” 57Ɨghêyn nɨn ghɨ ghelɨ ndo nɨ̀ Levì ghì a ghɨ n-læ taŋ kɨ isas i ndo isas i ndo: À nà n-ghɨ,
Ghelɨ isas i ndo nɨ̀ Geshòn, bò àŋena ɨ ghɨ Geshòn,
nɨ̀ ghelɨ isas i ndo nɨ̀ Kohàt, bò àŋena ɨ ghɨ Kohàt,
kɨ̀mɨ nɨ̀ ghelɨ isas i ndo nɨ̀ Mèlalì, bò àŋena ɨ ghɨ Mèlalì.
58Akeyna nà n-ghɨ kɨmɨ asas a ndosɨ nɨ̀ ghelɨ Levì a li-a: À nà n-ghɨ,
Ghelɨ isas i ndo nɨ̀ Libnì,
nɨ̀ ghelɨ isas i ndo nɨ̀ Heblòn,
nɨ̀ ghelɨ isas i ndo nɨ̀ Mâl,
kɨ̀mɨ nɨ̀ ghelɨ isas i ndo nɨ̀ Mûsh,
nɨ̀ ghelɨ isas i ndo nɨ̀ Kolà.
Kohàt nà n-ghɨ bò Alàm. 59Izɨyn i wî Amlàm nâ wèyn nà n-ghɨ Jochebèd ɨ wul ìsas i ndo nɨ̀ Levì ma ghɨ n-bzɨ ŋweyn a Ijìb. Jochebèd ɨ wî Amlàm nɨn læ bzɨ Alòyn, nɨ̀ Mosìs baʼsɨ̂ nɨ̀ jêmtɨ̀ àŋena ɨ Meliyàm. 60Alòyn nà n-ghɨ bò Nadàb ŋêyn Abihù nɨ̀ Elezà baʼsɨ̂ nɨ̀ Itamà. 61Mɨtì Nadàb ŋêyn Abihù ɨ kfɨtɨ bòm ta àŋena nɨn læ fu ifu asɨ nɨ̀ Bôbo Fɨyini isaʼi ɨ dyêyn wì na àŋena fu.
62Ghɨ̀lûmnɨ ndo nɨ̀ Levì ghì a ghɨ n-læ taŋ ma ghɨ chem meyn njoŋ sɨ ndù asɨ nà n-chɨ̂yntɨ̀ ghɨ nkam mɨ̀vɨm ɨ̀m bò njvàsɨ̀ tal. Ghɨ n-bu læ taŋ baʼsɨ àŋena nɨ̀ ghelɨ Isìlæ̀ ghɨ li bòm ta ghɨ nà n-kelɨ wi sɨ fu ɨlwêʼ sɨ̂ àŋena.
63À ti asas a ndosɨ kì a Mosìs ŋêyn Elezà ɨ ngàŋ ndô Fɨyini nɨn læ taŋ ta ghɨ nà n-taŋ ghelɨ Isìlæ̀ ibal i Mowàb a ngùŋ jvà Jodàn injɨyn i Jèlikò. 64Nô wùl ɨ̀ mòʼ nɨn bu læ nà fî ghɨ anòyn nɨ̀ ghelɨ Isìlæ̀ ghì a Mosìs ŋêyn Alòyn ɨ ngàŋ ndô Fɨyini nɨn læ taŋ a nse iyum a Sinày. 65À nà n-ghɨ tì ma Bôbo Fɨyini be meyn sɨ̂ ghelɨ Isìlæ̀ nâ ghì na àŋena nɨn kfɨtɨ̂ a nse iyum. Àŋena kfɨtɨ nô ghɨ̀ jɨ̀m, a faŋ kɨ Kalèb ɨ wâyn Jefunè nɨ̀ Joshwà ɨ wâyn Nûn.