Psalms 11
This book is a draft. It has been translated but has not yet finished checking, and is published here so the community can read and respond to it.
Bôbo nɨn ghɨ àlêʼ a leytɨnɨ-a nɨ̀ ghelɨ ŋweyn
Njàŋ ta devìt nɨ̀n læ betɨ ɨ fu sɨ̂ nchfɨ̀ njàŋ na wù na fu-a ghɨ yema
1Bôbo nɨn ghɨ àlêʼ a leytɨnɨ-a nɨ̀ mà.
Wà kàʼ wa bû fì bè sɨ̂ mà na,
“Tàyn ta fɨnyuyn ɨ ndu lèytɨ̀ a kfɨyn.”
2Yeyn læ̂ ghelɨ awo a bɨ-a;
Àŋena nɨn baʼtɨ̂ mɨ̀nchya a nfinisɨ
Kɨŋ sɨ tɨm ghelɨ àtì-ati nɨ̀ ɨ̀mêyn.
3Ghɨ neʼsɨ meyn ndo yì na sɨ kɨŋ sɨ bɨ̀sà,
Ghelɨ àtì-ati ti kàʼ ghɨ nì nô ghà?
4Bôbo Fɨyini nɨn nduʼ a ndo i laynɨ nɨ̀ ŋweyn;
BÔBO nɨn nduʼ achɨ a tɨ̂fòyn nɨ̀ ŋweyn iyvɨ.
Wù n-ki yeyn ghelɨ mbzɨ kɨ ghɨ̀ jɨ̀m,
Isɨ i ŋweyni nɨn ghɨ kɨ a àŋena ɨwùyn.
5Bôbo Fɨyini nɨ̀n tôʼnɨ̀ nɨ̀ ghelɨ àtì-ati
Bâyn ghelɨ awo a bɨ-a nɨ̀ ɨghî a ghɨ n-kôŋ inû.
6Mɨ n-jêm na wù sfɨs ɨvɨs atu nɨ̀ ghelɨ awo a bɨ-a
Jêm na wù sfɨs mɨkâyn atu nɨ̀ àŋena;
Na wù tum afyef a lûm sɨ̂ ghelɨ ghɨ bɨ.
7Bôbo Fɨyini nɨ̀n saʼ kɨ àtì-ati,
Bôbo Fɨyini nɨ̀n kôŋ nchînɨ̀ àtì-ati;
Ghelɨ àtì-ati læ̀ yeyn ìkêʼ i ŋweyn.