Psalms 120
This book is a draft. It has been translated but has not yet finished checking, and is published here so the community can read and respond to it.
Ijêm sɨ loyn igâmtɨ̀ sɨ̂ Fɨyini fɨ̀
Njàŋ ta ghelɨ ghɨ bɨminɨ nɨn læ nà yem ɨlvɨ ta ghɨ n-koʼ a Jèlusalèm sɨ koʼsɨ Fɨyini
1Mɨ nà n-ghɨ a ngeʼ i ghaʼnɨ ɨ dzɨ̀ sɨ̂ BÔBO wu gàmtɨ̀ mà.
2Fsɨ ma sɨ ɨwu nɨ̀ ghelɨ ghɨ wamnɨ a BÔBO Fsɨ ma sɨ ɨwu nɨ̀ ghelɨ ankaŋ nâ ghèyn.
3Zɨ̀ ghelɨ ghɨ wamnɨ ghèyn BÔBO ti n-fu nô ngeʼ ì kà sɨ̂ zɨ̀-a Wu ti n-nì nô ghà na yì toʼ yvɨ̀ ilûm a.
4BÔBO nɨn tɨmlɨ̂ zɨ̀ nɨ̀ àwoŋa Wu n-nyôʼlɨ̀ zɨ̀ nɨ̀ ɨ̀kfêtɨ̀ ɨvɨ̀sɨ, Wu lûm kɨ tèyn nchuŋ.
5Ngeʼ i ghaʼnɨ nɨn ghɨ sɨ̂ mà Mɨ n-zɨnɨ̂ ku kɨ ta mɨ n-chî a Meshèk, ilaʼ atum Mɨ n-yvɨ mɨ̀lùmchuŋ, ku kɨ ta mɨ n-chî ghesɨ̀ ghelɨ Kedà.
6Ma chi meyn chwòsɨ̀ ghesɨ̀ ghelɨ ghɨ bâyn mbôynɨ̀.
7Mɨ n-kɨŋ na ghɨ na chî nɨ̀ mbôynɨ̀ Àŋena kɨŋ kɨ na ghɨ na nu-à.