Psalms 113
This book is a draft. It has been translated but has not yet finished checking, and is published here so the community can read and respond to it.
Bôbo Fɨyini nɨ̀n duʼ atû mbzɨ ì jɨ̀m
1Hàlìluyà, Yì na koʼsɨ̂ Bôbo Fɨyini, zɨ̀ ghelɨ ghɨ felɨnɨ nɨ̀ BÔBO, Yì na koʼsɨ̂ ŋweyn!
2Ghelɨ nɨn kelɨ sɨ nà koʼsɨ Bôbo Fɨyini Ghelɨ na koʼsɨ̂ ŋweyn kɨ ɨlwêʼ ɨ̀ jɨ̀m, mɨlvɨ ɨ̀n jɨ̀m,
3Ghelɨ nɨn kelɨ sɨ nà koʼsɨ Bôbo Fɨyini Kɨ̀ sɨ zɨ̀tɨ̀ alèʼ ghè a ɨchfɨ̂ iyvɨ i nɨn sal ateyn Sɨ chem alèʼ ghè a yi n-sœ ateyn Ghelɨ nɨn kelɨ sɨ nà koʼsɨ Bôbo Fɨyini.
4BÔBO nɨn duʼ alèʼ a ngaŋtɨnɨ-a atû mbzɨ ì jɨ̀m Ibayn i ghaʼnɨ-i nɨ̀ ŋweyni nɨn ghɨ alèʼ a ngaŋtɨnɨ-a iyvɨ.
5À ti n-ghɨ ndà ta Bôbo Fɨyini ɨ Fɨyini fɨ ghesɨ̀nà a? Wù koʼsɨ meyn ngêŋ ŋweyn ɨ̀ dùʼì achɨ a tɨ̂fòyn iyvɨ.
6Ɨ̀ tfɨ̀ŋtɨ nà ki suʼsɨ̂ sùʼsɨ nɨ̀ mbzɨ.
7Wù laysɨ meyn ghelɨ ànfɨf iyvɨ. Ma àŋena tî nà duʼ abɨ̀l.
8Wù fu meyn àlêʼ sɨ̂ àŋena antêynɨ̀ nɨ̀ woyn ntoʼ. Àŋena sɨ duʼ ŋêyn tɨ̀fôyntɨ̀ ma àŋena tî nà chî kɨ a tɨ̂taʼ.
9Wù fu meyn woyn sɨ̂ àkaynà Ŋêyn àŋena na sɨ chɨ̂yntɨ̀ duʼa saŋlɨ-a. Hàlìluyà.