Psalms 126
This book is a draft. It has been translated but has not yet finished checking, and is published here so the community can read and respond to it.
Njàŋ ta ghelɨ ghɨ bɨminɨ nɨ̀n læ nà yem ɨlvɨ ta ghɨ n-koʼ a Jèlusalèm sɨ koʼsɨ Bôbo Fɨyini
1Bôbo Fɨyini nɨ̂n kàsi kfa nɨ̀ ghesɨ̀nà a Zayòn ɨ boysɨ ghesɨ̀nà, Yi nà kêʼ kɨ ta à n-chi jem chɨ ghesɨ̀nà.
2Ichyeʼi nɨn læ meyn faŋ kɨ faŋ a ghesɨ̀nà ɨchfɨ̀ Ghesɨ̀nà ɨ nà luʼa, saŋlɨ-à. Ɨtum ɨ bê na, “Bôbo Fɨyini nɨn ngaŋtɨ̂ kfeynɨ-a, Wu nî meyn àwo a kaynɨ-a sɨ̂ àŋena.”
3Samoʼ Bôbo Fɨyini fɨ ghesɨ̀nàfɨ nɨn ngaŋtɨ̂ kfeynɨ-a Wù nî meyn àwo a kaynɨ-a sɨ̂ ghesɨ̀nà, Ghesɨ̀na na saŋlɨ-à.
4Kasi fu iboysɨ ì zæ sɨ̂ ghès a Bôbo Fɨyini Fu iboysɨ ì zæ sɨ̂ ghès yi na kàlì kɨ ta jvasɨ a nse iyum a negèv.
5Ghelɨ ghì a ghɨ n-seʼ itôʼ nɨ̀ mɨ̀sɨ asɨ Læ̀ se sɨ kfì nà luʼa saŋlɨ-à.
6Samoʼ wùl ɨ̀ vzɨ̀ a wù n-seʼ nɨ̀ ngœ̀ dzɨ-à, Læ̀ nà kfâ nɨ̀ ɨ̀fwo ɨ yɨnɨ luʼa, saŋlɨ-à.