Psalms 130
This book is a draft. It has been translated but has not yet finished checking, and is published here so the community can read and respond to it.
Ijêm sɨ loyn igâmtɨ̀
Njàŋ ta ghelɨ ghɨ bɨminɨ nɨ̀n læ nà yem ɨlvɨ ta ghɨ n-koʼ a Jèlusalèm sɨ koʼsɨ Bôbo Fɨyini
1Mɨ n-ghɨ antêynɨ̀ àfɨm a kaynɨ-a Dzɨ̂ sɨ̂ và a Bôbo Fɨyini.
2Yvɨ gyâ yem a BÔBO Yvɨ iwo zɨ̀ a mɨ n-bê Ɨ koynsɨ isuyn sɨ̂ mà.
3Wà ti nà n-lêm akôyn a mbɨsɨ nɨ̀ ghelɨ A læ bœ̀ nô ndà a Bô?
4Mɨtì wà n-lêsɨ̀ fu mbɨsɨ ghêl À ti iwo zɨ̀ a ghɨ n-gvɨmlɨ vâ sɨ ateyn.
5Mɨ n-chîtɨ̀ kɨ Bôbo Fɨyini Yeʼtɨ̂ kɨ iwo ghè a wù bè.
6Mɨ n-chîtɨ̀ BÔBO Chwô ta nchì nî yi nà chîtɨ̀ na ɨtuʼ layn Samoʼ chîtɨ̀ chwô ta nchì nî yi nà chîtɨ̀ na ɨtuʼ layn.
7Yì na yeʼtɨ̂ kɨ ɨwùyn nɨ̀ Bôbo Fɨyini a Isìlæ̀ Ikôŋ i mɨ̂kàyn nɨ̀ BÔBO i nɨn kfeynɨ-à BÔBO nɨn yuyn àtu a wûl wu yuyn mèsi kɨ mesi.
8À læ̀ yuyn kɨ nô BÔBO atu a Isìlæ̀ sɨ a ŋweyn a ngeŋ Ɨ̀ lèsɨ̀ fù mbɨsɨ àŋena nô sɨ̀ jɨ̀m.