Psalms 136
This book is a draft. It has been translated but has not yet finished checking, and is published here so the community can read and respond to it.
Ikôŋ I mɨ̂kàyn nɨ̀ Fɨyini fɨ
1Yì na fu àyòŋnɨ̀ sɨ̂ Bôbo Fɨyini bòm ìtôʼnɨ̀ i ŋweyn Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
2Yì na fu àyòŋnɨ̀ sɨ̂ Bôbo Fɨyini bòm ìtôʼnɨ̀ i ŋweyn Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
3Yì na fu àyòŋnɨ̀ sɨ̂ BÔBO vzɨ̀ a wù n-ghɨ BÔBO sɨ̂ ghɨ̀ bôbo Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
4Yì na fu àyòŋnɨ̀ sɨ̂ ŋweyn vzɨ̀ a wù n-môm àwo akayna kɨ sɨ a ŋweyn a ngeŋ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
5À n-læ faytɨ ŋweyn iyvɨ kɨ nɨ̀ ìtof i ŋweyni Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
6À n-læ faytɨ ŋweyn nse ɨ atû mù Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
7À n-læ faytɨ ŋweyn tɨbayn tɨ ghaʼlɨnɨ tìtɨ̀ a tɨ n-ghɨ iyvɨ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
8Ɨchfɨ̂ iyvɨ na yi na bayn nɨ̀nchuè Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
9Nɨ̀ njoŋ na yì na bayn nɨ̀ntuʼ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ Nɨ̀ mɨ̀njèyn na mɨ̀ na bayn nɨ̀ntuʼ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
10Yì fu àyòŋnɨ̀ sɨ̂ Fɨyini fìfɨ̀ a fɨ n-læ zuetɨ woyn ɨ ghɨ asɨ nɨ̀ ghelɨ Ijìb Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
11Ɨ li fvɨ̀ nɨ̀ ghelɨ Isìlæ̀ sɨ ilaʼ i Ijìb nâ ghè. Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
12Ɨ li fvɨ̀ nɨ̀ àŋena kɨ̀ nô nɨ̀ àdyaʼ a bemnɨ-a kì a wù n-kelɨ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
13Yì fu àyòŋnɨ̀ sɨ̂ ŋweyn vzɨ̀ a wu n-læ gwòsɨ Jva ì Baŋnɨ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
14Ɨ nì ghelɨ Isìlæ̀ ɨ dyaŋ kɨ nô a kî jvà iyum Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
15Ɨ nì Fòyn Ijìb ŋêyn ghelɨ iwòŋ nɨ̀ ŋweyn ɨ leŋ. Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
16Yì fu àyòŋnɨ̀ sɨ̂ ŋweyn vzɨ̀ a wu n-li toynɨ nɨ̀ ghelɨ ŋweyn a nse iyum. Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
17Yì fu àyòŋnɨ̀ sɨ̂ ŋweyn vzɨ̀ a wu n-læ dyèyn adyaʼ a ŋweyn ɨ zuetɨ tɨ̀fôyn tɨ ghaʼlɨnɨtɨ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
18Ɨ zuetɨ tɨ̀fôyn, tɨ kelɨ àdyaʼ a kaynɨ-a, Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
19Ɨ fòyn Sihòn vzɨ̀ a wù nà n-saʼ ghelɨ Amò Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
20Nɨ̀ fòyn Ôg vzɨ̀ a wu nà n-saʼ ghelɨ Bashàn Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
21Ɨ fsɨ tɨlaʼ tɨ àŋena ɨ fu sɨ̂ ghelɨ ŋweyn Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
22Sɨ̂ ghelɨ Isìlæ̀ ghì a ghɨ nà n-felɨ sɨ̂ ŋweyn Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
23Yì fu àyòŋnɨ̀ sɨ Fɨyini fifɨ a fɨ n-læ gàmtɨ ghesɨ̀nà Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ Sɨ ànjɨ̀ŋ ghè a ghesɨ̀nà nɨn læ nà ghɨ ateyn Ikôŋ imɨ̂kàyn nɨ̀ ŋweyni faŋ meyn kɨ̀ samoʼ.
24Wu n-læ meyn fsɨ ghesɨ̀nà sɨ awu nɨ̀ mbàynɨ̀sɨ̀. Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
25Wu n-læ meyn fsɨ ghesɨ̀nà sɨ awu nɨ̀ mbàynɨ̀sɨ̀. Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.
26Yì fu àyòŋnɨ̀ sɨ̂ Fɨyini fîfɨ̀ a fɨ n-ghɨ iyvɨ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ.