Psalms 146
This book is a draft. It has been translated but has not yet finished checking, and is published here so the community can read and respond to it.
Ghesɨ̀nà na yeʼtɨ̂ kɨ ɨwuyn nɨ̀ BÔBO
1Hàlìluyà! Mà na koʼsɨ̂ Bôbo Fɨyini.
2Mà na koʼsɨ̂ kɨ koʼsɨ Bôbo Fɨyini nô ta ka mà læ̂ kfɨ Mà na yema koʼsɨ̂ Fɨyini femfɨ nô ta ka mà læ̂ kfɨ.
3Ka yì na samsɨ̂ ghelɨ ghɨ tisɨnɨ Ka yì na samsɨ̂ wul ɨ̀ mɨ̀sòŋ Àŋena kàʼ ghɨ bû bœ̀sɨ̀ zɨ̀.
4Àŋena nɨn kfɨ-a ghɨ kasi ndù kɨ abɨ̀l Awo kì a àŋena bàʼtɨ ɨ bef kɨ achi nâ ghè.
5Njùŋ nɨ̀n ghɨ sɨ̂ wùl ɨ̀ vzɨ̀ a igâmtɨ̀ i ŋweyni nɨn lû sɨ̂ Fɨyini fɨ Jàkôbfɨ̀ Njùŋ nɨ̀n ghɨ sɨ̂ wùl ɨ̀ vzɨ̀ a wù n-yeʼtɨ kɨ ɨwuyn nɨ̀ Bôbo Fɨyini fɨ ŋweyn À fàytɨ ŋweyn iyvɨ nɨ̀ nse À fàytɨ ŋweyn jva i ghaʼnɨ nô mɨ nɨ̀ ghà ateyn Wù n-lêm ìchfɨnɨ̀ i ŋweyn kɨ̀ sɨ a mɨlvɨ ɨ̀n jɨ̀m.
6Wù n-saʼ fu nsaʼ ghelɨ ghì a ghɨ n-yeʼtɨ àŋena Wù n-yɨsɨ̂ ghelɨ ghì a jeŋsɨ nɨn yafɨ àŋena Bôbo Fɨyini nɨ̀n fvɨsɨ̀ ghelɨ sɨ a nchaʼ.
7Bôbo Fɨyini nɨ̀n ni-a ɨ̀nfèf ɨ yeyna Bôbo Fɨyini nɨ̀n lâysɨ̀ ghelɨ ghì a adɨli-a nɨn yeʼtɨ àŋena Bôbo Fɨyini nɨ̀n kôŋ ghelɨ àti-ati.
8Bôbo Fɨyini nɨ̀n tôʼnɨ̀ nɨ̀ ghelɨ ghì a ghɨ n-chi wi a àŋena tɨ̂laʼ Wù n-tôʼnɨ̀ nɨ̀ ghɨ̀ki nkfɨ, tôʼnɨ̀ nɨ̀ woyn nkfɨ Mɨtì ghelɨ ghɨ bɨ baʼtɨ̂ mɨ ghà wu bebsɨ̂ kɨ bebsɨ.
9Bôbo Fɨyini na saʼ kɨ saʼ sɨ a mɨ̂lvɨ ɨn jɨ̀m Fɨyini fifɨ na saʼ kɨ saʼ a ghelɨ Zayon, saʼ nô mɨ ajàŋ à kà Hàlìluyà!