Psalms 148
This book is a draft. It has been translated but has not yet finished checking, and is published here so the community can read and respond to it.
Nô mɨ ghà a mbzɨ na koʼsɨ̂ Fɨyini
1Hàlìluyà Zɨ̀ ghî a yi n-ghɨ iyvɨ yì na koʼsɨ̂ Bôbo Fɨyini Zɨ̀ ghî a yi n-ghɨ ɨlwèʼ ghè a wu ngaŋtɨ iyvɨ, yì na koʼsɨ̂ ŋweyn.
2Nchìsɨ Fɨyinisɨ̀ nô sɨ̀ jɨ̀m, yì na koʼsɨ̂ Bôbo Fɨyini Zɨ̀ sugèyʼsɨ Bôbo nô sɨ̀ jɨ̀m, yì na koʼsɨ̂ ŋweyn.
3Ɨchfɨ̂ iyvɨ nɨ̀ njoŋ, yì na koʼsɨ̂ Bôbo Fɨyini Mɨ̀njèyn nô ɨ̀n jɨ̀m, yì na bayna koʼsɨ̂ ŋweyn.
4Ɨlwêʼ vzɨ̀ a wu ngaŋtɨ iyvɨ, yì na koʼsɨ̂ Bôbo Fɨyini Mu mzɨ̀ a mɨ̀ n-ghɨ iyvɨ, na koʼsɨ̂ ŋweyn.
5Ɨfwo nâ wèyn na koʼsɨ̂ ìzɨyn i Bôbo Fɨyini Wu n-læ faytɨ ɨfwo nâ wèyn kɨ nɨ̀ gyà ɨ̀chfɨ̀.
6Wù n-lem meyn na wu faŋ kɨ̀ sɨ a mɨlvɨ ɨ̀n jɨ̀m Wù n-fu meyn ìsaʼ yi ghɨ wi sɨ læ̀ sɨ chwò.
7Zɨ̀ ghî a yi n-ghɨ a nse, yì na koʼsɨ̂ Bôbo Fɨyini Jva sìsɨ a sɨ sœ gòʼsɨ̀ nô sɨ̀ jɨ̀m Nɨ̀ nyamsɨ bemnɨsɨ sìsɨ̀ a sɨ n-ghɨ ateyn, yì na koʼsɨ̂ ŋweyn.
8Ivɨ i myaynɨ-i nɨ̀ àwœ-a, yì na koʼsɨ̂ Bôbo Fɨyini Ivɨ i nɨ̀ mbàʼsɨ̀, yì na koʼsɨ̂ ŋweyn Afyef ato-a kì a kɨ n-yvɨ isaʼ i ŋweyn na koʼsɨ̂ Bôbo Fɨyini.
9Kfɨynsɨ ghaʼlɨnɨsɨ nɨ̀ sɨtelâsɨ̀ nô sɨ̀ jɨ̀m, yì na koʼsɨ̂ ŋweyn Ɨ̀nkàʼ mɨ̀ ɨ̀ntàm nɨ̀ ɨ̀nkàʼ mɨ̀ cedà nô ɨ̀n jɨ̀m, yì na koʼsɨ̂ Bôbo Fɨyini.
10Nyamsɨ ɨtwaʼsɨ nɨ̀ nyamsɨ maʼnɨsɨ nô sɨ̀ jɨ̀m, yì na koʼsɨ̂ ŋweyn Ɨfwo ɨ ŋaŋlɨnɨ nɨ̀ mɨ̀nyûyn mzɨ̀ a mɨ̀ n-tâyn iyvɨ na koʼsɨ̂ Bôbo Fɨyini.
11Tɨfôyn tɨ mbzɨtɨ nɨ̀ ghelɨ mbzɨ nô ghɨ̀ jɨ̀m, yì na koʼsɨ̂ ŋweyn Ghelɨ ghɨ saʼnɨ nɨ̀ ghelɨ ghɨ tisɨnɨ nô ghɨ̀ jɨ̀m, yì na koʼsɨ̂ Bôbo Fɨyini.
12Ngvâʼ wùl nɨ̀ ghɨ̀ki, ghɨ̀lema nɨ̀ woynda, yì na koʼsɨ̂ ŋweyn.
13Àŋena na koʼsɨ̂ ìzɨyn i Bôbo Fɨyini Izɨyn i ŋweyni nɨn ngaŋtɨ̂ chwô nô mɨ ghà Ɨfôyn ɨ ŋweyn nɨn ngaŋtɨ̂ chwô nse, ngaŋtɨ̂ chwô ìyvɨ.
14Wù laysɨ meyn ghelɨ ŋweyn iyvɨ Wù fu meyn ɨ̀kfɨm sɨ̂ ghelɨ ghì a wù yɨ mɨkâyn ŋêyn àŋena. Wù laysɨ meyn ghelɨ Isìlæ̀ iyvɨ Wù fu meyn ɨ̀kfɨm sɨ̂ ɨghî a ghɨ n-baʼsɨ sɨ̂ ŋweyn Hàlìluyà.