Psalms 149
This book is a draft. It has been translated but has not yet finished checking, and is published here so the community can read and respond to it.
Ghelɨ Fɨyini na koʼsɨ̂ ŋweyn
1Hàlìluyà, Yì yem njàŋ ifɨ kòʼsɨ Bôbo Fɨyini. Yì na koʼsɨ̂ ŋweyn a nchɨ̀yntɨ nɨ̀ ghelɨ Fɨyini
2Ghelɨ Isìlæ̀ nɨn kelɨ sɨ nà saŋlɨ-à Kûm ŋweyn vzɨ̀ a wù fàytɨ àŋena Ghelɨ Zayòn nɨn kelɨ sɨ nà saŋlɨ-à kûm fòyn àŋena.
3Àŋena nɨn kelɨ sɨ nà bɨyna koʼsɨ̂ Bôbo Fɨyini. Buʼ nchùmsɨ, buʼ tɨ̀luŋ koʼsɨ̂ Bôbo Fɨyini.
4BÔBO dyeyn meyn àtem a jùŋà sɨ̂ ghelɨ ŋweyn Wù n-gâmtɨ̀ ghelɨ ghì a iyi àŋena mæ̀ meyn, Lisì ìwumi sɨ àŋena atu.
5Ghelɨ Fɨyini nɨn ko’nɨ-à, kelɨ sɨ nà dyala Àŋena na nyìŋì mɨ a mɨ̂kùyn, ghɨ nà yem njàŋsɨ̀ saŋlɨ-à.
6Àŋena na koʼsɨ̂ Fɨyini nɨ̀ gyasɨ tosɨ Ikoʼsɨ i àŋena nɨn kelɨ sɨ nà ghɨ ta ifô i ngvèleŋ a àŋena ɨwu
7Sɨ̂sɨ̀ àwo kì a ghelɨ ɨtum mòm sɨ̂ àŋena Fu ngeʼ sɨ̂ ghelɨ awo a bɨ-a
8Tɨfôyn tɨ àŋenatɨ na sɨ chî kɨ a nchaʼsɨ Ghelɨ ghɨ tisinɨ nɨ̀ àŋena sɨ ghɨ kɨ nɨ̀ nchaʼsɨ afyeyn.
9À ti dzɨ zɨ̀ a Fɨyini fɨ̀ nɨn saʼ ghelɨ awo a bɨ-a ateyn Kɨ̀ ighel ta ghɨ nyàʼ meyn, Yi gvî nɨ̀ ɨ̀kfɨm sɨ̂ ghelɨ Fɨyini nô ghɨ̀ jɨ̀m. Hàlìluyà.