Psalms 8
This book is a draft. It has been translated but has not yet finished checking, and is published here so the community can read and respond to it.
Wùl ɨ̀ mɨ̀sòŋ nɨn koʼnɨ-à, Fɨyini fɨ ŋwaʼa
Njàŋ ta Devìt nɨn læ betɨ ɨ fu sɨ̂ nchfɨ̀ njàŋ na wù na fu-a ghɨ yema, buʼ ìluŋ i mɨ̂nchaʼ.
1O Bôbo Fɨyini, Bò wes,
Wà n-nî àwo ɨchfɨ̀ a yumnɨ-a antêynɨ̀ mbzɨ ì jɨ̀m.
Wà ni meyn ghɨ na yeyn ìŋwâʼ ì zæ atû mbzɨ ì jɨ̀m.
2Wà yeʼi meyn woynda, àŋena na koʼsɨ̂ và,
Woyn ghɨ bolɨ ɨ koʼsɨ̂ kɨmɨ sɨ ateyn.
Iwo ateyn i yumsɨ meyn àchfɨ̂ a mbàynɨ̀ shyasɨ,
Ɨ̀ chɨ̀msɨ̂ àchfɨ̂ a ghelɨ ghì a ghɨ n-nû vâ.
3Mɨ n-ki ìyvɨ ɨ̀ yeyn ifêl a awu nɨ̀ và,
Ɨ̀ yèyn njoŋ nɨ̀ mɨ̀njèyn alèʼ ghè a wà fàytɨ ɨ̀ lèm ateyn,
4Ma nà kayn nâ, wùl ti n-ghɨ nô ghà na wà na ki ŋweyn a,
Nâ, wul mɨ̀sòŋ ti n-ghɨ nô ndà na wà na kelɨ ìkfâʼtɨ̀ kûm ŋweyn a?
5Wà n-læ meyn faytɨ wul wu lætɨ kɨ têyn sɨ nà ghɨ ta nchì Fɨyini,
Ɨ fu adyaʼ sɨ̂ ŋweyn na wù na saʼa, koʼnɨ-à fî ŋwaʼà.
6Wà lem meyn na wùl na kinî ìfêl i awu nɨ̀ và,
Wà lem meyn ɨ̀fwo ɨ̀ jɨ̀m isas isaʼ nɨ̀ ŋweyn.
7Wà lem meyn bzɨsɨ nô sɨ̀ jɨ̀m isas isaʼ nɨ̀ wùl,
Ɨ̀ lèm nyamsɨ nô sɨ̀ jɨ̀m isas isaʼ nɨ̀ ŋweyn. Wà lem meyn nyamsɨ ɨtwaʼ nô sɨ̀ jɨ̀m kɨ̀ isas isaʼ nɨ̀ wùl.
8Wà lem meyn mɨ̀nyuyn isas isaʼ nɨ̀ wùl,
Ɨ̀ lèm sfɨsɨ ta sɨ n-sâm a jvâ isas isaʼ nɨ̀ ŋweyn,
Ɨ̀ lèm nô mɨ gha ta kɨ n-sâm a jvâ isas isaʼ nɨ̀ wùl.
9O Bôbo Fɨyini, Bò wes,
Wà n-nî àwo ɨchfɨ̀ a yumnɨ-a antêynɨ̀ mbzɨ ì jɨ̀m.