Psalms 98
This book is a draft. It has been translated but has not yet finished checking, and is published here so the community can read and respond to it.
Fɨyini fɨ nɨn saʼ mbzɨ
Njàŋ
1Yì yem njàŋ i fɨ sɨ̂ Bôbo Fɨyini, Wù tɨm meyn yɨ, wù ni meyn àwo a kaynɨ-a Adyaʼa nɨn ghɨ a ŋweyn akœ, à n-ghɨ àkœ a BÔBO Adyaʼ a Bôbo Fɨyini bœsɨ meyn ghelɨ ŋweyn.
2Bôbo ni meyn mbzɨ ì jɨ̀m keli na à n-bœ̂sɨ̀ ŋweyn ghelɨ Wù dyeyn meyn mèsì sɨ̂ ghelɨ mbzɨ na yi n-saʼ kɨ àti-ati.
3Wù betɨ meyn ìkôŋ i mɨ̂kàyn nɨ̀ ŋweyn sɨ̂ ghelɨ ŋweyn Ɨ̀ dyèyn sɨ̂ ghelɨ Isìlæ̀ na wù n-bê mɨ na gha, nî kɨ tì Mbzɨ ì jɨ̀m yeyn meyn ta Fɨyini fɨ ghesɨ̀nà fɨ nɨn bœ̂sɨ̀ ghelɨ ŋweyn.
4Mbzɨ ì jɨ̀m fvɨ nɨ̀ ɨ̀luʼɨ Nà koʼsɨ̂ BÔBO, gyasɨ lâytɨ̀-à.
5Yì na koʼsɨ̂ BÔBO nɨ̀ tɨ̀luŋtɨ Yì na buʼ tɨ̀luŋ, yem njàŋsɨ̀.
6Yì na toŋ tɨ̀soŋ, toŋ ndoŋsɨ Yì ndu asɨ nɨ̀ BÔBO nɨ̀ ɨ̀luʼɨ Yì na luʼa saŋlɨ-à, samo’, wù n-ghɨ fòyn.
7Jvasɨ tosɨ na ku-à, Nô mɨ ghà ateyn na ku-à Mbzɨ ì jɨ̀m na ku-à Nô mɨ nɨ̀ ghà ta kɨ n-ghɨ ateyn.
8Jvasɨ na buʼ ɨ̀wu Kfɨynsɨ na yem njàŋsɨ̀, saŋlɨ-à.
9Mbzɨ ì jɨ̀m na yem njàŋsɨ̀ asɨ nɨ̀ BÔBO Bòm ta wù n-gvî sɨ saʼ mbzɨ Wu n-gvì-à nà saʼ mbzɨ, fyeʼtɨ̂ wì iwo Wu n-gvì-à nà saʼ tɨ̀laʼ tɨ mbzɨ, kɨ àtì-ati.