Psalms 100
This book is a draft. It has been translated but has not yet finished checking, and is published here so the community can read and respond to it.
Ghelɨ Fɨyini na fu àyòŋnɨ̀ sɨ̂ ŋweyn
Njàŋ sɨ nà yema fu àyòŋnɨ̀ sɨ̂ Fɨyini fɨ̀
1Zɨ̀ ghelɨ mbzɨ ghɨ̀ jɨ̀m Yì na koʼsɨ̂ Bôbo Fɨyini, gyasɨ ɨ lâytɨ-à.
2Yì na saŋlɨ-à koʼsɨ̂ Bôbo Fɨyini Yì gvi nà yem njàŋsɨ̀ asɨ nɨ̀ ŋweyn, saŋlɨ-à.
3Yì na kya na BÔBO nɨn ghɨ Fɨyini À bòm ŋweyn bòm ghesɨ̀nà, Ghesɨ̀na na ghɨ ghelɨ ŋweyn Ghesɨ̀nà nɨn ghɨ njɨ̀sɨ ŋweyn A yɨsɨ̂ ŋweyn yɨsɨ̂ ghesɨ̀nà.
4Yì na zɨ̂ ndû a ndô Fɨyini nɨ̀ àyòŋnɨ̀ a funɨ-a Yì na zɨ̂ ndû a ŋweyn abe, koʼsɨ̂ ndû nɨ̀ ŋweyn Yì na fu àyòŋnɨ̀ sɨ̂ ŋweyn koʼsɨ̂ ìzɨyn i ŋweyn
5Bòm ta Bôbo nɨn ghɨ Fɨyini fɨ jûŋfɨ̀ Ikôŋ i mɨ̂kàyn nɨ̀ ŋweyni faŋ meyn kɨ̀ samoʼ Wù n-bê ìwo nô mɨ sɨ̂ àjâŋ à kà nî kɨ tì ta wù bè.