Isaiah 18
This book is a draft. It has been translated but has not yet finished checking, and is published here so the community can read and respond to it.
Saʼgha kûm ghelɨ Etobìyà/Fɨyini fɨ nɨn fu ngeʼ sɨ̂ ghelɨ Etobìyà
1Ìsayà nɨn fi meyn bè na, “Ngeʼ nɨn ghɨ sɨ̂ ìlaʼ zɨ̀ a ngumisɨ nɨn tâynɨ̀ chwô/ghɨ ateyn, ilaʼ zɨ̀ a yi n-ghɨ a mbæ̀sɨ jvâsɨ̀ a Kûsh.
2Ghɨ n-tum ghelɨ ntum ilaʼ nâ ghè ghɨ kalì gvî a jvâ Nây a ngùʼsɨ ma ghɨ faytɨ nɨ̀ kɨ̀yuŋ. Ghelɨ ntum ghì a ghɨ n-nyâŋsɨ̀ jelɨ̀, yì taŋsɨ ndù nɨ̀ ntum yèyn sɨ̂ ghelɨ ghèyn a ghɨ n-leyn jofɨ̀ têyn fî dyêblɨ̀ kɨ tèyn, ɨ ghelɨ ghɨ fâyn àŋena kɨ̀ mbzɨ ì jɨ̀m. À n-ghɨ ìlaʼ i to-i, kelɨ àdyaʼ ma jvasɨ gwosɨ meyn ìlaʼ i àŋena.
3Zɨ̀ ghelɨ tɨ̂laʼ tɨ̀ jɨ̀m a mbzɨ, zɨ̀ ghî a yi n-chfi a nse/mbɨ nô ghɨ̀ jɨ̀m, yì yvɨtɨ. Ghɨ læ̀ lâysɨ̀ nchwæ ìwòŋ a kfɨyn a yì yeyn. Ghɨ læ̀ toŋ ìsoŋ sɨ fèʼtɨ̀ na iwoŋ i nɨn gvi-à a yì yvɨ.
4Bôbo Fɨyini bê meyn sɨ̂ mà na, “Mɨ n-chimî kɨ tèyn moŋ alèʼ ghè a mɨ n-ghɨ/chi/n-dùʼ ateyn (iyvɨ) nà ki kɨ ki iwo zɨ̀ a yi n-gâyn sɨ̂ zɨ̀, iwo ateyn i fu wi mɨ n-geʼ sɨ̂ mà. Mà na felɨ̀ kɨ àtsɨ̀ atsɨ ta ɨlwêʼ nî wu nà lumà, achi ta chuè nɨ̀n bâyn nô sɨ a ŋaŋ kèsa ta amyâʼ a kɨ n-suʼi nɨ̀ bɨsì bɨsì ɨlvɨ ta ghɨ n-kfî ɨfwo a gvêynsɨ̀.
5Gɨ̀lêbsɨ̀ læ̀ læ̀ busà ɨ̀ yàlà a mɨ̀tâm mɨ̀ àteyn se sɨ bàŋ nà ghɨ kœ, ma Bôbo Fɨyini teyntɨ/chuʼtɨ meyn ntusɨ ateyn, ɨ̀ tèyntɨ lìsì tɨ̀fyas tìtɨ̀ a tɨ n-yam ndû.
6Tɨgvɨyn tɨ sugèyʼ sɨ tosɨ (nɨ̀ zɨ̀) læ̀ nà nyɨŋ a kfɨyn kɨ̀ ta tɨfyas tɨ ɨnkàʼ tìtɨ̀ a ghɨ tèyntɨ màʼ, (mɨ̀nyûyn læ̀ nà kfɨlɨ tɨ̀gvɨyn tɨ àŋena nɨ̀ bèŋ, a nyamsɨ ɨtwaʼsɨ læ̂ kfɨl tɨgvɨyn tɨ ateyn tòynɨ (kɨ) bèŋ ìfɨ̀blɨ̀.
7À læ̀ nà ghɨ ɨtuʼ nâ ghè, a ghelɨ gvi nɨ̀ tɨ̀futɨ sɨ̂ Bôbo Fɨyini ɨ Bò Ɨ̀dwaʼ ɨ̀ Jɨ̀m. À læ̀ nà ghɨ ghelɨ dyêblɨ̀ kɨ tèyn, leyn joblɨ̀ kɨ tèyn. À læ̀ fu ghelɨ tɨ̂laʼ ghɨ fâyn àŋena kɨ̀ mbzɨ ì jɨ̀m, ma jvasɨ gwosɨ meyn ìlaʼ i àŋena. Ghɨ læ̀ gvî nɨ̀ tɨ̀fu tɨ ateyntɨ a kfɨ̂yn Zayòn alèʼ ghè a ghɨ n-koʼsɨ Bôbo Fɨyini ɨ Bò Ɨ̀dwaʼ ɨ̀ jɨ̀m ateyn.