Isaiah 59
This book is a draft. It has been translated but has not yet finished checking, and is published here so the community can read and respond to it.
Nfèʼtɨ̀ ìghaʼnɨ ɨ fu nfasì-nfàsì sɨ̂ ghelɨ kûm mbɨsɨ àŋena.
1Nfèʼtɨ̀ ighaʼnɨ nɨn læ meyn bè sɨ̂ ghelɨ Judà na, “Samoʼ, awu a Bôbo Fɨyini nɨn tɨmsɨ̂ wì sɨ gàmtɨ zɨ, bula ɨtuŋlɨ ŋweyn chili sɨ nà yvɨ ijêm ì zɨ-i.
2Mɨtì, awo a bɨ-a nɨ̀ zɨ̀ a gwosɨ meyn zɨ̀ ŋêyn Fɨyini fifɨ. Mbɨ sisɨ nî meyn wù bêyn jɨm sɨ̂ zɨ̀. Wù beyn meyn jɨm sɨ̂ zɨ̀ nà bu fì yvɨ wi idzɨ̂ ì zɨ-i.
3Yi n-kel;i m;i'lu;n a yi ɨwu. Woyn ɨwu nɨ̀ zɨ̀ ɨ nî kɨ àwo a bɨ-a. Achfɨ̂ à ki-a ɨ ghɨ ma à luyn kɨ ànkaŋ ateyn. Tɨlemi titɨ ɨ baʼtɨ̂ kɨ àwo a bɨ-a.
4Nô wùl sɨ̂ zɨ̀ ɨ saʼ wi nsaʼ bula wù fyeʼtɨ ìwo. Wùl ɨ bu fì bê wì samoʼ ɨlvɨ nsaʼ. Dùʼì ghɨ nà saʼtɨ̂ àwo ayùŋ ayuŋ wam ɨ̀nkfaŋ. Ghelɨ ghɨ̀ jɨ̀m ɨ tɨmî nɨ̀ ɨ̀lvâ awo a bɨ-a ghɨ bzɨ kɨ mbɨ.
5Àŋena nɨn kê kɨ àwum a mbamsɨ bɨsɨ ma wùl kæ kfɨl iwum ateyn, a wù kfɨ kɨ̀ kfɨ. Ghɨ n-kaʼ ìwum ateyn, a fvɨ kɨ mbam ateyn. Mɨ̀nàŋ mzɨ̂ a àŋena nɨn kulɨ nɨn ghɨ kɨ ta ndô nsaŋ gvɨ̀gvɨ̀.
6Ghelɨ awo a bɨ-a kàʼ ghɨ bû lèytɨ̀ ngeŋsɨ àŋena nɨ̀ àwo a bɨ-a kì a àŋena nɨn nî. Àŋena nɨn nî kɨ àwo a bɨ-a. Ifêl i àŋena ɨ ghɨ kɨ sɨ nà mom awo.
7Àŋena nɨn kya sɨ nà lum nɨ̀ ɨ̀wuyn sɨ zue wul. Àŋena nɨn chwô mɨ wo ghɨ bebsɨ ìwo nî na ghelɨ na yeyn ngeʼ.
8Àŋena bû tìmi nà kya sɨ chi nɨ̀ mbôynɨ̀ ŋêyn ghelɨ› Àŋena nɨn saʼ wi nsaʼsɨ ghêl ighel. Nchînɨ sɨ àŋena sɨ ghɨ kɨ nchînɨ̀ sɨ bɨsɨ. Nô mɨ ndà vzɨ̀ a wù n-chi ta àŋena ɨ nì nà kelɨ wi mbôynɨ̀.
9Àŋena læ̀ nà kelɨ wi mbôynɨ̀ tì ɨ̀ nà bê na ghèsɨ keli meyn ìwo zɨ̀ a Fɨyini fɨ tèyn sɨ bœ̀sɨ ghes sɨ ɨwu nɨ̀ mbàynɨ̀ seysɨ. Ghès bu yeyn wi awo a juŋà nɨ̀ Fɨyini fɨ a ghès antêynɨ̀. Ghès nɨn dzɨ̂ na ibayni gvi sɨ̂ ghès, a gvî kɨ àbe a fɨmnɨ-a. Ghès nɨn chwotɨ̂ sɨ nà nî awo kɨ ndû asɨ mɨtì awo à kesa ɨ ndû kɨ nɨ̀ ìbami.
10Ghès sɨ jelɨ̀ kɨ ta ghelɨ ghɨ fɨfɨnɨ. Ghès sɨ jelɨ̀ mômtɨ̀ ɨ̀lwêʼ ta wul a wù n-yeyn wi. À se sɨ nà ghɨ nɨ̀nchuè, ghès ɨ nà jelɨ̀ dyamtɨ̂ kɨ ta wul a wù n-jelɨ̀ nɨ̀ntuʼ. Ghès sɨ ghɨ kɨ ta nkfɨsɨ nse antêynɨ̀ nɨ̀ ghelɨ ghɨ to.
11Ghèssɨ koynsɨ̂ dzɨ̂ kɨ ta nyamsɨ ɨtwaʼ a yì lì atam. Ghès sɨ dzɨ̂ kɨ ta ɨ̀lwalatoto, kɨŋ na ghɨ saʼ tèyn nsaʼ yes kɨ àtì-ati mɨtì yi lî wì alêʼ. Ghès nɨn dzɨ̂ na Fɨyini fɨ bœsɨ ghes mɨtì wu bœ̂sɨ̀ wì.
12Bôbo Fɨyini, ghèsɨ ni meyn chwòsɨ̀ àwo a bɨ-a sɨ̂ và. Mbɨ seysɨ nɨn ghɨ nchwò nsaʼ asɨ nɨ̀ và. Mbɨ seysɨ nɨn kêʼ kɨ a ndayn. Ghès nɨn kya dzɨ zɨ̀ awo a bɨ-a nɨ̀ ghèsa nɨn ghɨ ateyn.
13Ghèsɨ to meyn nɨ̀ àtu-a, ɨ̀ mò vâ a Bôbo Fɨyini. Ghèsɨ leʼ meyn kàsi sɨ ibàm nɨ̀ Fɨyini feyfɨ. Ghèsɨ fu meyn ngeʼ sɨ̂ ghelɨ ghɨ li, chas iwo ì zæ a Fɨyini fɨ, baʼtɨ̂ kɨ ànkaŋ a ghès ikfàʼtɨ̀ ghès ɨ nà wama.
14Ghès nɨn kôŋ kɨ sɨ nà saʼ fyeʼtɨ fyeʼtɨ nsaʼsɨ, bu fì kɨŋ wi na awo na ndù àtì-ati. Samoʼ ɨ bu fì ghɨ wi a ghelɨ ɨchfɨ̀. Ghelɨ bu fì nî wì awo àtì-ati.
15Ghelɨ ghɨ̀ jɨ̀m sɨ wam kɨ ànkaŋ. Wùl ɨ̀ leʼ sɨ nà ni awo a bɨ-a, ghelɨ awo a bɨ-a nà choʼ àvɨ a ŋweyn. Bôbo Fɨyini nɨn yeyn meyn nchînɨ̀ àteyn ɨ nà kôŋ wì (saŋlɨ̂ wì) bòm ta àŋena nà n-nî wì awo àtì-ati.
16Wù n-ki meyn ɨ faŋ tɨ̀ yeyn wul nô sakos. Wù n-bu læ yeyn wul ta wù n-ti abàs nɨ̀ ghelɨ ghì a ghɨ n-saʼ yeʼtɨ àŋena. Bôbo Fɨyini ɨ kæ nì adyaʼ a ŋweyna ɨ bœ̀sɨ̀ ghelɨ ŋweyn, dzɨ zɨ̀ a wù n-kôŋ na ghɨ na nî àwo àtì-ati ateyn, ghelɨ nà yeʼtɨ̂ kɨ a ŋweyn ɨwùyn.
17Bôbo Fɨyini læ̀ lî njùŋ ŋweyn a à na ghɨ àfo kì a wù n-kɨ̂ŋtɨ àngàŋtɨ̀ a ŋweyn ateyn. Wù læ̀ sû àfol iwòŋ a ŋweyn atu a ghɨ ìbœ̂sɨ̀ zɨ̀ a wu n-bœ̂sɨ̀ ghelɨ ŋweyn. Wù læ̀ se sɨ nà kɨŋ sɨ sɨ̀sɨ mɨkfɨ̂ sɨ fu ngeʼ sɨ̂ ghelɨ ghɨ bɨ, a yi na ghɨ a ŋweyn ɨwùyn têyn ta ndzɨsɨ dyefɨnɨsɨ.
18Wu læ̀ mâʼtɨ̀ (lâʼ) nô mɨ ndà kɨ̀ ighel ta wù fèlɨ̀ meyn. À ti ta wù læ̀ kasî lâʼ nɨ̀ ɨ̀toŋ ɨ baŋnɨ sɨ̂ mbàynɨ sɨ ŋweynsɨ. Wu læ̀ kasî lâʼ mbàynɨ̀ sɨ ŋweyn sìsɨ̀ a sɨ n-chas iwo i ŋweyn. Wu læ̀ mâʼ ngeʼ atu nɨ̀ tɨ̀laʼ tìtɨ̀ a tɨ n-ghɨ a mbæ̀ jvà ighaʼnɨ nô tɨ̀ jɨ̀m.
19Bôbo Fɨyini læ̀ nî tì, a ghelɨ ghɨ̀ jɨ̀m na ngvɨmlɨ̂ ŋweyn, ghelɨ ghɨ̀ jɨ̀m læ̀ nà fâyn àdyaʼ a bemnɨ-a nɨ̀ ŋweyna. Kɨ̀ sɨ zɨ̀tɨ̀ abàs ghè a ɨchfɨ̂ iyvɨ i nɨn sal ateyn sɨ ndù sɨ chem abàs ghè a yi n-sœ ateyn. Bôbo Fɨyini læ̀ nà gvî kɨ ta ànkuŋ. Wù læ̀ nà gvî kɨ ta jva ɨlvɨ ta afyefa nɨn nêʼ ɨ̀ tsɨyn yi ndu kfɨ̀yn ɨ̀lwêʼ.
20Yi n-dyêyn na Fɨyini nɨn læ̀ bœ̂sɨ̀ ghelɨ Isìlæ̀ kɨ ghɨ̀ jɨ̀m kɨ̀ ighel ta ghɨ nyàʼ a ŋwàʼlɨ̀ Fɨyini na, “Mbœ̀sɨ̀ læ̀ fvî a ntèʼ Zayòn. Wu læ̀ sû lisì mbɨsɨ ghelɨ isas i ndo nɨ̀ Jàkôʼ ghì a ghɨ bèynlɨ̀ sɨ a àŋena mbɨsɨ.”
21Fɨyini fɨ be meyn na, “Ma chfɨnɨ meyn na mà læ̀ nî ìwo nâ yèynì sɨ̂ àŋena aachi ghè a ka mà lesɨ fù mbɨsɨ àŋena ateyn. Ayvɨs à kema nɨn ghɨ /faŋ meyn kɨ̀ samoʼ a yi a mɨ̂tèm na yì na bêtɨ̀ ìyeʼi zɨ̀ a mà yèʼi zɨ nɨ̀ ìnyeyni. Woyn ghi læ̀ nà bêtɨ̀ kɨ betɨ nô mɨ woyn woyn ghi nô ta ka ghɨ̀ læ̂ ghɨ̀.