Psalms 23
This book is a draft. It has been translated but has not yet finished checking, and is published here so the community can read and respond to it.
BÔBO nɨn ghɨ nchì ghesɨ̀nà
Njàŋ Devìt
1BÔBO nɨn ghɨ nchì yem, Mɨ n-wo wi afo.
2Wu n-lì mà ɨ̀ ndù nɨ̀ mà alèʼ ɨ̀nfùʼ ɨ yvɨ̂tɨ̀ kɨ ateyn tèyn.
Wu n-lì mà ɨ̀ ndù nɨ̀ mà a jvâ, mu ɨ yvɨ̂tɨ̀ kɨ ateyn tèyn.
3Wu nì-à a mà yɨ fì nyvɨ, ɨ̀ chìnì nà to kɨ tèyn nteŋ.
Wu n-dyèyn dzɨsɨ àtì-ati a mà na jèl ateyn.
Bòm wul ɨ vzɨ̀ a wù n-ghɨ ɨ̀ŋweyn.
4Mɨ n-fâyn wì nô mɨ ta mɨ n-jelɨ̀ a mɨ̂wùm mɨ̀ ìkfɨ,
Wà n-ghɨ ghesɨ̀và kɨ̀ mɨlvɨ ɨ̀n jɨ̀m a BÔBO.
Wà n-kelɨ nkuna, tisɨ̂ mà fî kfɨmtɨ̂ mà nɨ̀ ɨ̀nyeyn.
5Wà n-fu ɨ̀fwo ɨ yɨnɨ ɨ jûŋ sɨ̂ mà,
Ma nà yɨ-a mbàynɨ̀ semsɨ ki-a.
Wà n-yisi mà nɨ̀ nkàyntɨ̀ àyìsi
Wà n-we bom yem yi luyn kfeyn kɨ kfeyn.
6Mɨ n-kya na njùŋ zyâ faŋ meyn sɨ̂ mà kɨ̀ samoʼ,
Ikôŋ i mɨ̂kàyn nɨ̀ và i ghal meyn mà kɨ̀ samoʼ.
Mà læ̀ bu fì fvɨ̂ wì sɨ a wa a ndo
Nô ta ka ghɨ̀ læ̂ ghɨ̀.